ટેકનોલોજી / ટેસ્લાના એલન મસ્ક લોકોને વોટસએપ ડિલીટ કરવાની આ કારણે આપી રહ્યા છે સલાહ

કોહેને ટ્વિટ કર્યું હતું કે એક માણસ 2.5 અબજ લોકોને પાણી પૂરું પાડી શકતો નથી, એક માણસ 2.5 અબજ લોકોને વીજળી આપી શકતો નથી, તો પછી એક વ્યક્તિ 2.5 અબજ લોકોના ડેટાને કેવી રીતે નિયંત્રિત કરી શકે? સરકારે ફેસબુક પર લગામ લગાવવાની જરૂર છે. ઉલ્લ્ખનીય છે કે મસ્ક ઘણા સમયથી ફેસબુકની ટીકા કરી રહ્યા છે. તેમણે ટ્વિટર દ્વારા ફેસબુકની વિશ્વસનીયતા અંગે પ્રશ્નો ઉભા કર્યા હતા. 

ટેસ્લા કંપનીએ તેનું ફેસબુક એકાઉન્ટ પણ 2018માં ડિલીટ કરી દીધું હતું. બીજી તરફ, ટેલિગ્રામના સીઇઓ પાવેલ ડ્યુરોવે તાજેતરમા વોટસએપની ટીકા કરી હતી. પવેલ દુરોવે ફેસબુકની માલિકીની વોટસએપ અંગે પણ રહ્યું હતું કે તે એક ખૂબ જ જોખમી એપ્લિકેશન છે અને તેનાથી યુઝરેસના ડેટા માટે ખતરો છે. એમેઝોનના માલિક જેફ બેજોસનો વોટ્સએપ ડેટા લીક થયો હતો, ત્યારબાદ પાવેલે વોટ્સએપનો ઉપયોગ ન કરવાની સલાહ આપી હતી. તેમણે બ્લોગમાં લખ્યું હતું કે વોટ્સએપના સિકયોરિટીમાં ખામીના કારણે આઇઓએસ અને એન્ડ્રોઇડ યુઝર્સનો ડેટા લીક થઈ શકે છે.પાવેલે વોટ્સએપની એન્ડ-ટૂ- એન્ડ એન્ક્રિપ્શન સુવિધાને પણ નિશાન બનાવી છે. તેમણે એવો દાવો કર્યો હતો કે ટેલિગ્રામ સુરક્ષિત છે અને યુઝર્સનો ડેટા કયારેય પણ લીક થશે નહીં.