જમ્મુ-કાશ્મીરના પુલવામામાં સીઆરપીએફના કાફલા પર હુમલો કરનાર આદિલ ડારના ભાઈ સમીર ડાર દ્વારા કરવામાં આવેલા એક ઘટસ્ફોટના કારણે સુરક્ષા દળોનું તણાવ વધ્યો છે. સમીર ડારે ખુલાસો કર્યો છે કે જૈશ-એ-મોહમ્મદ આતંકીઓ પાસે સામાન્ય સ્ટીલથી બનેલા એવા કારતૂસ ઉપલબ્ધ છે જે બખ્તરબંધ વાહનોને સરળતાથી વીંધી શકે છે. વિશેષ વાત એ છે કે આખી દુનિયામાં પ્રતિબંધિત આ કારતૂસ આપણો કટ્ટર હરીફ દેશ ચીન બનાવે છે અને ત્યાંથી તે આતંકવાદીઓને પૂરી પાડવામાં આવે છે.
આ કારતૂસો બખ્તરબંધ ગાડીઓ અને બુલેટપ્રૂફ જેકેટને ભેદવા સક્ષમ
VIPની સુરક્ષા ઉપર મોટો ખતરો
બીજી તરફ, આ ઘટસ્ફોટ બાદ, કાશ્મીરમાં અત્યાર સુધી આતંકવાદીઓના ફાયરિંગને ટાળવા માટે સુરક્ષાદળો બખ્તરબંધ વાહનો અને બંકરોનો ઉપયોગ કરતા હતા. આ કારતૂસોની હાજરીથી હવે સુરક્ષાદળોની ચિંતા વધી છે.
સમીર ડારે ડિસેમ્બર 2019 માં જૈશ-એ-મોહમ્મદના આતંકીઓને કાશ્મીર ખીણમાં મોકલ્યા હતા. સમીરે જણાવ્યું હતું કે આતંકવાદીઓ પાસે સ્ટીલ કારતૂસ ઉપરાંત મોટી માત્રામાં દારૂગોળો હતો. સમીર પુલવામા જિલ્લાના કાકપોરાનો રહેવાસી છે. જૈશ આતંકીઓ સાથે સુરક્ષાદળો પર ફાયરિંગ કર્યા બાદ તે નાગરોટાથી ભાગી રહ્યો હતો ત્યારે શુક્રવારે તેને પોલીસે પકડ્યો હતો.
શું છે આ સ્ટીલ કારતૂસ?
ગયા વર્ષે જૂનમાં જમ્મુ-કાશ્મીરના અનંતનાગ જિલ્લામાં આતંકવાદીઓએ સુરક્ષા દળો પર હુમલો કર્યો હતો. આ હુમલામાં સીઆરપીએફના 5 જવાન શહીદ થયા છે. સૂત્રોના જણાવ્યા મુજબ આ જવાનોએ બુલેટપ્રૂફ જેકેટ્સ પહેર્યા હતા, આમ છતાં આ ગોળીઓ જવાનોના શરીરને આરપાર નીકળી ગઈ હતી. સુરક્ષા દળો દ્વારા કરવામાં આવેલી તપાસમાં ખુલાસો થયો છે કે આતંકીઓએ સ્ટીલ બુલેટનો ઉપયોગ કર્યો હતો, જેની સામે સુરક્ષા દળોના બુલેટપ્રૂફ જેકેટ્સ નિષ્ફ્ળ હોવાનું સાબિત થયું હતું.
સૂત્રોના જણાવ્યા અનુસાર પાકિસ્તાની ગુપ્તચર એજન્સી ISI આ ગોળીઓ આતંકવાદી સંગઠન જૈશ-એ-મોહમ્મદના આતંકીઓને પૂરી પાડે છે. આ સ્ટીલ બુલેટ ચીન દ્વારા બનાવવામાં આવે છે અને ત્યાંથી તે ISIને સપ્લાય કરવામાં આવે છે. આ સ્ટીલ ગોળીઓ એટલી જોખમી છે કે તેઓ કોઈપણ બખ્તરબંધ વાહન અને બંકરને ઘુસી શકે છે. હવે જૈશ-એ-મોહમ્મદ સુરક્ષા દળો પર હુમલો કરવા માટે આ સ્ટીલ ગોળીઓનો ઉપયોગ કરી રહ્યું છે. જૈશ આતંકીઓએ 27 ડિસેમ્બર 2017 ના રોજ પ્રથમ વખત સ્ટીલ બુલેટનો ઉપયોગ કર્યો હતો.
ઉપયોગ કરવામાં ખૂબ સરળ છે આ કારતૂસો
સ્ટીલ બુલેટ્સ વાપરવામાં ખૂબ જ સરળ છે. તેને સામાન્ય AK-47 એસોલ્ટ રાઇફલથી પણ દાગી શકાય છે. એક વારમાં મેગેઝીનમાં બે થી ત્રણ ગોળીઓ રાખી શકાય છે. સુરક્ષા દળોનું માનવું છે કે જૈશ-એ-મોહમ્મદના આતંકવાદી નૂર મોહમ્મદ તાન્ત્રે ઉર્ફે પીર બાબાએ આ કારતૂસ પહેલીવાર આતંકવાદીઓને આપી હતી. તપાસમાં બહાર આવ્યું છે કે બુલેટ હાઈ સ્ટીલ અથવા ટંગસ્ટનથી બનાવવામાં આવી છે.
આને બખ્તર વેધવા વાળી બુલેટ કહે છે. સામાન્ય રીતે, AK-47ની બુલેટના આગળના ભાગમાં લાઇટ સ્ટીલનો ઉપયોગ કરે છે જે બુલેટ પ્રૂફ શિલ્ડમાં પ્રવેશ કરી શકતું નથી પરંતુ સ્ટીલ બુલેટ તેને પણ ભેદવા માટે સક્ષમ છે.
સુરક્ષાદળોને ટેન્શન; VIPની સુરક્ષાને ખતરો
આતંકીઓ પાસે સ્ટીલ બુલેટ આવવાને લીધે સુરક્ષા દળોમાં તણાવ નોંધપાત્ર રીતે વધ્યો છે. VIP સુરક્ષાની દેખરેખ રાખતી એજન્સીઓને સ્ટીલ બુલેટને ધ્યાનમાં રાખીને તેમની વ્યૂહરચના પર ફરીથી વિચાર કરવો પડશે. ખાસ કરીને જ્યારે આ ગોળીઓ બુલેટ પ્રૂફ વાહનોને પણ ભેદવા માટે સક્ષમ હોય છે. આ ગોળીઓ પર આખી દુનિયા પર પ્રતિબંધ છે પરંતુ ચીન તેમને આડેધડ બનાવી રહ્યું છે અને હવે આ ગોળીઓ કાશ્મીરમાં આતંક મચાવી રહી છે.
કાશ્મીરમાં સ્ટીલ બુલેટ આવવાથી એક સુરક્ષા અધિકારીએ જણાવ્યું હતું કે, "સ્ટીલ બુલેટનો ઉપયોગ સામે આવ્યા બાદ અમે તકેદારી વધારી છે. ચીની તકનીકીની મદદથી આવી ગોળીઓ હાર્ડકોર સ્ટીલમાંથી બનાવવામાં આવી રહી છે. તેમણે કહ્યું કે હાલના તબક્કે કાશ્મીરમાં સુરક્ષા દળો દ્વારા ઉપયોગમાં લેવામાં આવતા બુલેટ-પ્રૂફ જેકેટ્સ સ્ટીલની બુલેટનો સામનો કરવામાં અસમર્થ છે.