જમ્મુ કાશ્મીરમાં સુરક્ષાદળો અને આતંકવાદીઓ વચ્ચેની અથડામણમાં ચાર આતંકવાદીઓ ઠાર કરવામાં આવ્યા હતા. આ ચારેય લશ્કર-એ-તોયબા સાથે સંકળાયેલા હોવાનું માલૂમ પડ્યું છે.
જમ્મુ કાશ્મીરમાં સેનાને મોટી સફળતા
ચાર આતંકીઓને કર્યા ઠાર
પુલવામાં ચાલી રહી છે અથડામણ
ચાર આતંકીઓ ઠાર
જમ્મુ-કાશ્મીરમાં સુરક્ષાદળોને મોટી સફળતા મળી છે. સુરક્ષા દળોએ 4 આતંકીઓને ઠાર કર્યા છે અને એન્કાઉન્ટર હજુ પણ ચાલુ છે.
આ વિસ્તારોમાં થયા એન્કાઉન્ટર
પુલવામા, હંદવાડા અને ગાંદરબલમાં સુરક્ષાદળો અને આતંકવાદીઓ વચ્ચે એન્કાઉન્ટર થયું હતું. જેમાં પુલવામામાં સુરક્ષા દળોએ 2 આતંકીઓને ઠાર કર્યા છે.
Jammu & Kashmir | An encounter broke out at Serch area of Ganderbal earlier this morning; one terrorist of LeT killed. Police and security forces are carrying out the operation.
જમ્મુ-કાશ્મીરના ગાંદરબલમાં સુરક્ષાદળોએ એન્કાઉન્ટરમાં બે આતંકવાદીઓને ઠાર કર્યા છે. ઠાર કરાયેલા આતંકીઓમાંથી એક આતંકી સંગઠન લશ્કર-એ-તૈયબા સાથે સંકળાયેલો હતો. બીજા આતંકીની ઓળખ હજુ સુધી થઈ શકી નથી. આ એન્કાઉન્ટર ગાંદરબલના સેરાચ વિસ્તારમાં થયું હતું. સર્ચ ઓપરેશન હજુ ચાલુ છે
પુલવામાના ચેવકલાનમાં એન્કાઉન્ટર ચાલી રહ્યું છે
જમ્મુ-કાશ્મીરના પુલવામા જિલ્લામાં શુક્રવારે મોડી રાત્રે આતંકવાદીઓ અને સુરક્ષા દળો વચ્ચે અથડામણ થઈ હતી. એક પોલીસ અધિકારીએ કહ્યું હતું કે, "પુલવામાના ચેવકલાન વિસ્તારમાં એન્કાઉન્ટર શરૂ થયું છે."
Jammu & Kashmir | An encounter broke out at Chewaklan area of Pulwama last night; two terrorists of JeM including one Pakistani killed. The encounter has now concluded here.
ઇનપુટના આધારે પગલાં લેવામાં આવે છે
પોલીસ અને સુરક્ષા દળોની સંયુક્ત ટીમે સમગ્ર વિસ્તારને ઘેરી લીધો અને આતંકવાદીઓની હાજરી અંગેના ઇનપુટ્સના આધારે સર્ચ ઓપરેશન શરૂ કર્યું, આતંકવાદીઓ અને સુરક્ષા દળો વચ્ચે ગોળીબાર થયો હતો. આતંકવાદીઓ જ્યાં છુપાયેલા હતા ત્યાં સુરક્ષા દળો પહોંચતા જ એન્કાઉન્ટર આખરે શરૂ થઈ ગયું હતું.
સરપંચની ગોળી મારી હત્યા
જણાવી દઈએ કે અગાઉ જમ્મુ-કાશ્મીરના કુલગામ જિલ્લામાં શુક્રવારે આતંકવાદીઓ દ્વારા સરપંચની ગોળી મારીને હત્યા કરવામાં આવી હતી. જમ્મુ-કાશ્મીરમાં આ મહિનામાં આ ત્રીજી ઘટના છે જ્યારે આતંકવાદીઓએ સ્થાનિક ચૂંટાયેલા પ્રતિનિધિની હત્યા કરી હોય.