IPLIN
 
  • Home
  • India
  • Terrorists did shocking work if jewelers bought property in Jammu and Kashmir, see who took responsibility

હીચકારું કૃત્ય / જમ્મુ-કાશ્મીરમાં જ્વેલર્સે પ્રોપર્ટી ખરીદી તો આતંકીઓએ કર્યુ ચોંકાવનારું કામ, જુઓ કોણે લીધી જવાબદારી

Team VTV 06:57 PM, 01 Jan 21 | Updated: 07:04 PM, 01 Jan 21
Follow us
Terrorists did shocking work if jewelers bought property in Jammu and Kashmir, see who took responsibility

શ્રીનગરમાં આતંકવાદીઓએ ગુરુવારે એક સોનીની ગોળી મારીને હત્યા કરી દીધી હતી. મૃતક સોની પંજાબનો રહેવાસી હતો અને લગભગ ચાર દાયકાથી અહીં રહેતો હતો, જો કે ડોમિસાઇલનું સર્ટિફિકેટ મળ્યાના એક મહિના પછી કાશ્મીરમાં એક દુકાન અને મકાન ખરીદ્યું હતું. ગુરુવારે શહેરના ભીડભાડ વાળા સરાઇ બાલા વિસ્તારમાં બાઇક સવાર આતંકીઓએ જ્વેલરની ગોળી મારીને હત્યા કરી નાખી હતી. 

  • શ્રીનગરમાં એક વ્યક્તિની ગોળી મારીને હત્યા કરાઇ 
  • કાશ્મીરમાં સંપત્તિ ખરીદી જેને લઈને TRF દ્વારા હત્યા કરાઇ હોવાનો દાવો 
  • મૂળ કાશ્મીરી સિવાયના પણ સંપત્તિ ખરીદી શકે છે તે પ્રકારનો સુધારો સરકાર દ્વારા કરાયો હતો

મૃતક પંજાબી જ્વેલર સતપાલ નિશ્ચલ (70) અમૃતસરમાં રહેતા હતા અને તેમની હત્યાની જવાબદારી પાકિસ્તાન સમર્થિત આતંકવાદી સંગઠન TRF દ્વારા લેવામાં આવી છે. TRF એ ફેસબુક દ્વારા જાહેર કરેલા એક નિવેદનમાં કહ્યું છે કે નવો ડોમિસાઇલ અધિનિયમ અમને "અસ્વીકાર્ય" છે અને મૂળ કાશ્મીરીઓ સિવાય જમ્મુ-કાશ્મીરમાં જે પણ લોકો  સંપત્તિ ખરીદશે તેઓ "કબજે કરનારા" ગણાશે.

અન્ય આતંકી સંગઠનોએ TRF ની પ્રશંસા કરી 

કાશ્મીરમાં એક્ટિવ અન્ય આતંકવાદી સંગઠનોએ TRF ની પ્રશંસા કરી હતી. TRF સંગઠન કાશ્મીરમાં બહુ ઓળખાણ ધરાવતું નથી અને તે પોતાને જમ્મુ-કાશ્મીર યુનાઇટેડ લિબરેશન ફ્રન્ટ તરીકે ઓળખાવે છે. આ ઘટના બાદ પ્રતિબંધિત આતંકવાદી સંગઠનો જૈશ-એ-મોહમ્મદ, લશ્કર-એ-તૈયબા અને હિઝબુલ મુજાહિદ્દીને TRF ની પ્રશંસા કરી હતી. 

સોનીને ત્રણ ગોળી મારીને હત્યા કરવામાં આવી 

નવા કાયદા હેઠળ ડોમિસાઇલ સર્ટિફિકેટ મળ્યા બાદ સતપાલ નિશ્ચલ આતંકવાદીઓ દ્વારા નિશાન બનાવાયેલ પ્રથમ વ્યક્તિ છે. નિશ્ચલ શ્રીનગરમાં નિશ્ચલ જ્વેલર્સના માલિક હતા. પોલીસે જણાવ્યું કે ત્રણ ગોળીઓ તેની છાતીમાં લાગી હતી અને તેને SMHS હોસ્પિટલમાં લઈ જતાં તેને મૃત જાહેર કરાયા હતા. 

જમ્મુ કાશ્મીર આતંકી હુમલો TRF jammu kashmir Terrorist attack
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ