અટેક / પુલવામામાં સીઆરપીએફ દળ પર આતંકવાદી હુમલો, એક જવાન ઘાયલ

• શંકાસ્પદ આતંકવાદીઓએ સુરક્ષાદળો પર હુમલો કર્યો
• હુમલો થતા વિસ્તારને સીલ કરી દેવામાં આવ્યો
•  હુમલાખોરોની શોધખોળ ચાલુ છે

દક્ષિણ કાશ્મીરના પુલવામા જિલ્લાના ગંગૂ વિસ્તારમાં સોમવારે એક શંકાસ્પદ આતંકવાદીઓએ સુરક્ષાદળો પર હુમલો કર્યો હતો. હકિકતમાં આ વિસ્તારની નજીક સીઆરપીએફ દળ પર આતંકવાદીઓએ ફાયરિંગ કરી દીધુ હતુ. જેમાં એક જવાન ઘાયલ થયો હતો. ઘાયલ જવાનન તાત્કાલીક હોસ્પિટલમાં દાખલ કરવામાં આવ્યો છે. હુમલા થયાની થોડી જ વારમાં વિસ્તારને સીલ કરી દેવામાં આવ્યો છે. તેમજ હુમલાખોરોની શોધખોળ ચાલુ છે.

ઉલ્લેખનીય છે કે જમ્મૂ કાશ્મીરના અનંતનાગના લારનૂમાં શનિવારે સવારથી જ આતંકવાદીઓ અને સુરક્ષાબળો વચ્ચે એન્કાઉન્ટર ચાલ્યુ હતુ. પોલીસ અને સુરક્ષાબળ ઓપરેશનમાં સફળતા મેળવી હતી. આ એન્કાઉન્ટરમાં એક આતંકી ઠાર મરાયો હતો. ઉલ્લેખનીય છે કે શિયાળાની સીઝન આવતાં જ આતંકીઓની ગતિવિધી વધી ગઈ છે. સુરક્ષાબળ સંપૂર્ણ રીતે તૈનાત છે અને એક્શન લઈ રહ્યા છે. આ મહિને શોપિયા, બડગામ, શ્રીનગર, કુલગામ સહિત અન્ય વિસ્તારોમાં સુરક્ષાબળોએ ઓપરેશન કરીને અનેક આતંકીઓને ઠાર કર્યા છે. 

નોંધનીય છે કે જમ્મૂ-કશ્મીરમાં ચાલુ વર્ષે 75 ઓપરેશન કરવામાં આવ્યા હતા. જેમાં 180 આતંકીને ઠાર કરવામાં આવ્યા છે. જોકે આ ઓપરેશન દરમિયાન ચાલુ વર્ષે જમ્મૂ-કશ્મીર પોલીસના 19 જવાન શહીદ થયા છે. જેમાં CRPFના 21 અને સેનાના 15 જવાન શહીદ થયા છે.