હુમલો / જમ્મૂ કાશ્મીરમાં આતંકવાદીઓનો બીજો અટેક, કુલગામમાં થયેલા હુમલામાં બે જવાનો ઈજાગ્રસ્ત

• બારામૂલા બાદ કુલગામમાં આતંકવાદી હુમલો 
• કુલગામના CRPF કેમ્પમાં બે જવાનો ઈજાગ્રસ્ત 
• બારામૂલામાં થયેલા હુમલા બાદ બે આતંકવાદીઓ થયા હતા ઠાર 

કુલગામમાં આતંકીઓનો બીજો અટેક 

કાશ્મીરના કુલગામ જિલ્લામાં આતંકવાદીઓએ CRPFના બંકરમાં હુમલો કર્યો છે અને હુમલામાં એક CRPF જવાન પણ ઈજાગ્રસ્ત છે, તેમને હાલ સારવાર માટે હોસ્પિટલ ખસેડવામાં આવ્યા છે. કુલગામના એસપી ગુરવિન્દર સિંહે કહ્યું કે અત્યારે આ વિષય પર કંઈ કહી ન શકાય. ફાયરીંગ થઇ અને તેમાં જવાનો ઈજાગ્રત થયા છે.  

જાણકારી અનુસાર આતંકવાદી કુલગામના નેહામા વિસ્તારમાં CRPFના બંકર પર તૈનાત જવાનોને નિશાનો બનાવીને હુમલો કરવામાં આવ્યો હતો. હુમલામાં ASI એસ સુકુમાર ગંભીર રૂપે ઈજાગ્રસ્ત થયા છે. સુરક્ષા એજન્સીઓએ દક્ષિણ કાશ્મીરમાં હાઈ અલર્ટ જાહેર કરી દેવામાં આવ્યું છે. 

કુલગામ પહેલા બારામૂલામાં થયો હતો હુમલો 

જમ્મૂ કાશ્મીરના બારામૂલા જિલ્લામાં એક આતંકવાદી હુમલામાં CRPF અને પોલીસના ત્રણ વીર જવાનોની શહીદીના અમુક કલાક બાદ સુરક્ષા દળો અને આતંકવાદીઓ વચ્ચે અથડામણ શરુ થઇ ગઈ, ભારતનાં રણબંકાઓએ બે આતંકવાદીઓને ઠાર માર્યા છે.