ષડયંત્ર / દિલ્હીમાં ઝડપાયેલા આતંકીઓનું પાકિસ્તાન કનેક્શન સામે આવતા ખળભળાટ, આ હતો ખૌફનાક પ્લાન

• દિલ્હી પોલીસે મંગળવારે 6 શકમંદોની ધરપકડ કરી હતી. 
• પંજાબમાં પણ આ જ પ્રકારના હથિયારો ઝડપાયા હતાં. 
• આતંકીઓએ દેશના વિવિધ શહેરોમાં મોટા ષડયંત્રની યોજના બનાવી
• યુ.પી એટીએસ પોલીસ માટે આ ટાસ્ક  મુશ્કેલ હતો

Delhi Police Special Cell has busted a Pak-organised terror module, arrested 6 people including two terrorists who received training in Pakistan pic.twitter.com/ShadqybnKU

— ANI (@ANI) September 14, 2021

દિલ્હી પોલીસે મંગળવારે 6 શકમંદોની ધરપકડ કરી હતી. 

દિલ્હી પોલીસે મંગળવારે એક મોટા ટેરર ​​મોડ્યુલનો પર્દાફાશ કર્યો અને 6 શકમંદોની ધરપકડ કરી. તેમાંથી એક અબુ બકર પણ છે જે યુ.પીના કેબહરાઈચના કૈસરગંજ વિસ્તારનો રહેવાસી છે. સાંજે ATS અને સ્થાનિક પોલીસ મોહમ્મદ ઉમરને પૂછપરછ માટે પોલીસ સ્ટેશન લાવ્યા હતા.ત્યાં સુધી કોઈને જાણ નહોતી કે શકમંદ પકડાઈ ગયો છે, મોહમ્મદ ઉમર તેનો નાના ભાઈ છે. ઉમરે દાવો કર્યો છે કે તેમને પણ તેમના ભાઈનું નામ આતંકવાદીઓની યાદીમાં હોવા અંગે કોઈ ખ્યાલ નહોતો. પરંતુ જ્યારે તે પોલીસ સ્ટેશનની પૂછપરછ કરીને ઘરે પરત ફર્યો ત્યારે તેને ટીવી દ્વારા ખબર પડી કે તેના ભાઈની ધરપકડ કરવામાં આવી છે.

પંજાબમાં પણ આ જ પ્રકારના હથિયારો ઝડપાયા હતાં. 

દિલ્હી પોલીસની સ્પેશીયલ ટીમે આંતકી મોડ્યુલ તપાસ વધુ તપાસ હાથ ધરી છે. તાજેતરમાં પંજાબનાં અમૃતસરમાં પાકિસ્તાને ડ્રોન દ્વારા હથિયારોનો મોટો જથ્થો મોકલ્યો હતો. જોકે, ગ્રામજનોની સતર્કતા બાદ પંજાબ પોલીસે તેને કબજે કરી લીધો છે. પાકિસ્તાને સાત બેગમાં IED, હેન્ડ ગ્રેનેડ અને કારતુસ મોકલ્યા હતા. માહિતીનાં આધારે પંજાબ પોલીસે આ હથિયારોની રિકવરી કરીને પાકિસ્તાનની ઇરાદાને નિષ્ફળ બનાવી છે.

Delhi Police Special Cell busts Pak organised terror module, arrests two Pak-trained terrorists; Explosives and firearms recovered in a multi-state operation: DCP Special Cell Pramod Kushwaha pic.twitter.com/17QANvAyYX

— ANI (@ANI) September 14, 2021

 દેશના વિવિધ શહેરોમાં મોટા ષડયંત્રની યોજના બનાવી

પોલીસના જણાવ્યા અનુસાર આતંકવાદી મૉડ્યુલનો મોટો પર્દાફાશ થયો છે. કારણ કે આ પકડાયેલા લોકો પાસેથી ભારે માત્રામાં વિસ્ફોટક પદાર્થ પણ મળી આવ્યો છે.પોલીસ સૂત્રોના જણાવ્યા અનુસાર, આ તમામ આતંકવાદીઓ દેશના વિવિધ શહેરોમાં મોટા ષડયંત્રની યોજના બનાવી રહ્યા હતા અને આવનારા સમયમાં ગભરાટ ફેલાવવા માટે એક મોટો પ્લાન તૈયાર હતો. આ વાતનો ખુલાસો કરતા સ્પેશિયલ સેલ અને યુપી એટીએસે તમામને પકડી પાડ્યા હતા. આ સાથે, આ લોકો દેશના ઘણા મોટા અને પ્રખ્યાત લોકોને પણ નિશાન બનાવવાના હતા.

A Delhi court has sent accused persons Jan Mohammed Shaikh, Osama, Moolchand, and Mohd. Abu Bakar to 14 days police custody: Delhi Police Special Cell

— ANI (@ANI) September 15, 2021

હજી એક આરોપી પોલીસના સકંજાથી બહાર 

અલગ અલગ રાજ્યોમાં પકડાયેલા 6 આરોપીઓમાંથી એક અરોપી જીશાન કમ અને મોહમદ આમીર જાવેદને કોર્ટે 14 દિવસના રિમાંડ પર મોકલી દીધા છે. અદાલતમાં દિલ્હી પોલીસે જણાવ્યું હતું કે, જીશાન અને આમિરને અલ્હાબાદ લઈ જવું પડશે, કારણ કે હુમેદ નામની વ્યક્તિની શોધ કરવી પડશે. જો સૂત્રોનું માનીએ તો, હુમેદ આ 6 આરોપીઓનો ખૂબ જ નજીકનો સહયોગી છે અને આ સમગ્ર ષડયંત્રમાં તેનો પણ હાથ છે.

યુ.પી પોલીસ માટે આ ટાસ્ક  મુશ્કેલ હતુ

યુપી એટીએસના વડા જી.કે. ગોસ્વામીએ જણાવ્યું હતું કે કેન્દ્રીય એજન્સીઓ, દિલ્હી પોલીસ અને યુપી એટીએસ દ્વારા સંયુક્ત ઓપરેશનમાં ત્રણ શંકાસ્પદ આતંકવાદીઓને પકડવામાં આવ્યા હતા, જે પાકિસ્તાનથી સંચાલિત આતંકવાદી મોડ્યુલનો ભાગ હતા. ત્રણેયની ઉત્તરપ્રદેશના પ્રતાપગઢ , રાયબરેલી, લખનઉ અને પ્રયાગરાજમાં દરોડા દરમિયાન ધરપકડ કરવામાં આવી હતી.  આ એક મુશ્કેલ કામ હતું. કારણ કે ઉત્તર પ્રદેશ એક વિશાળ રાજ્ય છે અને ત્યાં સતત વીઆઇપી મુવમેન્ટ છે.તેમણે કહ્યું કે ATS ને પ્રયાગરાજમાં IED વિશે જાણ કરવામાં આવી હતી, પરંતુ તે સ્થળ સ્થાનિક વસાહતનું હોવાથી તે સમુદ્રમાં એક ટીપું શોધવા જેવું હતું.