વિસ્ફોટ કરીને જવાબદારી તો સ્વીકારે છે-ભાજપ ધારાસભ્ય
ધારાસભ્ય ડોક્ટર કૃષ્ણ મિઢાએ જિલ્લાધિકારીઓની કાર્યશૈલી પર નારાજગી વ્યક્ત કરતા જણાવ્યું કે અધિકારીઓ કરતા આતંકીઓ સારા છે ઓછામાં ઓછું વિસ્ફોટ કરીને જવાબદારી તો લે છે.
વરસાદ બાદ પરિસ્થિતિનો તાગ લેવા જિંદ આવ્યાં ધારાસભ્ય
ભાજપ ધારાસભ્ય જિંદમાં વરસાદ બાદ પરિસ્થિતિનો તાગ લેવા આવ્યાં હતા ત્યારે તેઓ અધિકારીઓની કાર્યશૈલીથી ખૂબ નારાજ થયા અને તેમની કરતા આતંકીઓને સારા ગણાવી દીધા. B&R, જાહેર આરોગ્ય વિભાગ, શહેરી સંસ્થાઓ અને સિંચાઈ વિભાગના અધિકારીઓ સ્થળ પર પહોંચ્યા ત્યારે ધારાસભ્યએ અધિકારીઓ પાસેથી જાણવા માંગ્યું કે લાખો રૂપિયા ખર્ચીને બનાવેલો રસ્તો કેવી રીતે તૂટી ગયો? આના પર અધિકારીઓએ આ માટે એકબીજાના વિભાગને જવાબદાર ઠેરવવાનું શરૂ કર્યું.
અધિકારીઓની કાર્યશૈલી પર રોષે ભરાયા ધારાસભ્ય
અધિકારીઓની કાર્યશૈલીથી દુખી ધારાસભ્યએ આ અંગે નારાજગી વ્યક્ત કરી હતી અને કહ્યું કે અધિકારીઓ કરતા તો આતંકીઓ સારા છે, બ્લાસ્ટ કરીને જવાબદારી તો સ્વીકારે છે. ડો.કૃષ્ણ મિઢાએ કહ્યું કે તેમણે મુખ્યમંત્રીને પણ કહ્યું હતું, તેઓ પોતે શરમ અનુભવે છે કે તેઓ આવા અધિકારીઓના ધારાસભ્ય છે, જેના કારણે રસ્તા અને ગટર વ્યવસ્થા આ હાલતમાં છે. ધારાસભ્યએ સ્થળ પર હાજર અધિકારીઓને ચેતવણી આપી હતી કે જો ત્રણ દિવસમાં રસ્તાનું નિર્માણ નહીં થાય તો તેઓ તેમના સ્તરે કામ શરૂ કરાવી દેશે.