રામબન SSPએ જણાવ્યું કે,બોમ્બ ડિસ્પોઝલ સ્ક્વોડની ટીમ આ પેકેટ ખોલશે. તે પછી જ અમે કહી શકીશું કે,આ પેકેટમાં IED છે કે નહીં
જમ્મુના રામબનમાં બસમાંથી મોટી માત્રામાં IED મળી આવ્યું
ચેકિંગ દરમિયાન બસમાંથી શંકાસ્પદ પેકેટ મળી આવ્યું
કાસ્પદ પેકેટ મળ્યા બાદ સ્થળ પર દોડધામ મચી ગઈ
બોમ્બ ડિસ્પોઝલ સ્ક્વોડની ટીમ પણ પહોંચી ઘટના સ્થળે
જમ્મુના રામબનમાં શુક્રવારે એક બસમાંથી મોટી માત્રામાં IED મળી આવ્યું છે. મળતી માહિતી મુજબ આ બસ ડોડાથી રામબન જઈ રહી હતી. જેમાં શંકાસ્પદ વસ્તુ રાખવામાં આવી હતી. નાકા પર ચેકિંગ દરમિયાન બસમાંથી શંકાસ્પદ પેકેટ મળી આવ્યું હતું.તપાસ દરમિયાન આ પેકેટમાં IED રાખવામાં આવ્યો હોવાનું બહાર આવ્યું હતું. બોમ્બ ડિસ્પોઝલ સ્ક્વોડની ટીમે તેને ડિફ્યુઝ કરી દીધો છે.
IED પેકેટ મળ્યા બાદ ઘટનાસ્થળે ખળભળાટ મચી ગયો હતો. આ અંગે પોલીસને જાણ કરવામાં આવી હતી. પોલીસના જણાવ્યા અનુસાર બસમાંથી એક પેકેટ મળી આવ્યું છે. શરૂઆતમાં આ પેકેટમાં શું છે તે કહેવું મુશ્કેલ હતું. પેકેટની તપાસ માટે બોમ્બ ડિસ્પોઝલ સ્ક્વોડને સ્થળ પર બોલાવવામાં આવી હતી. ટીમે તપાસ બાદ સ્પષ્ટતા કરી કે પેકેટમાં IED છે.
SSP રામબન મોહિતા શર્માએ જણાવ્યું કે, એક શંકાસ્પદ વસ્તુ મળી આવી છે. બીડીએસની ટીમને બોલાવવામાં આવી હતી. આ સાથે સેના, CRPF પણ ઘટનાસ્થળે હાજર છે. બોમ્બ ડિસ્પોઝલ સ્ક્વોડની ટીમે પેકેટ ખોલ્યું હતું. આ પેકેટમાં IED હોવાનું તપાસમાં બહાર આવ્યું છે.