એલર્ટ / બાલાકોટ એરસ્ટ્રાઇકમાં તબાહ કરેલા આતંકી સંગઠનો ફરી સક્રિય, 129 આતંકીઓ ઘૂસણખોરીની ફિરાકમાં

• જૈશ-એ-મોહમ્મદનાં 40 આતંકીઓને ભારત વિરૂદ્ધ અપાઇ રહી છે ટ્રેનિંગ
• 26 ફેબ્રુઆરીએ બાલાકોટમાં ભારતીય વાયુસેનાએ કરી હતી એર સ્ટ્રાઇક
• માત્ર 45 દિવસોમાં 60 આતંકીઓની ઘૂસણખોરી

સૂત્રોનું કહેવું એમ છે કે 5 ઓગસ્ટ બાદ 100 ગણી વધારે ઘૂસણખોરી (Intrusion) વધી ગઇ છે અને એટલું જ નહીં પરંતુ 45 દિવસોમાં 60 આતંકીઓએ ઘૂસણખોરી કરી છે. તે પહેલાનાં 7 મહીનામાં માત્ર 35 લોકોની ઘૂસણખોરી થઇ હતી.

એવું જણાવવામાં આવી રહ્યું છે કે ઇમરાન ખાનની અમેરિકા મુલાકાત દરમ્યાન આ આતંકી (Terrorists) કેમ્પેને હટાવી દેવામાં આવ્યું હતું. આ કેમ્પોમાં જૈશ-એ-મોહમ્મદનાં 40 આતંકીઓને ટ્રેનિંગ આપવામાં આવી રહી છે. આ પહેલા પણ આ જ આતંકી સંગઠનનાં કેમ્પ અહીં ચલાવવામાં આવતા હતાં.

બાલાકોટ એર સ્ટ્રાઇક સમયે 300 જેટલાં મોબાઇલ ફોન હતાં સક્રિય

ઉલ્લેખનીય છે કે આ વર્ષે 14 ફેબ્રુઆરીનાં રોજ જમ્મુ-કાશ્મીરનાં પુલવામામાં સીઆરપીએફનાં એક કાફલા પર આત્મઘાતી હુમલો થયો હતો જેમાં 44 જવાનો શહીદ થયાં હતાં. લોકસભા ચૂંટણીનાં ઠીક પહેલા આ થયેલો આ આતંકી હુમલો મોદી સરકાર માટે એક મોટો પડકાર બની ગયો હતો. પરંતુ 26 ફેબ્રુઆરીનાં રોજ ભારતીય વાયુસેનાનાં ફાઇટર પ્લેન પાકિસ્તાનની સીમામાં ઘુસીને બાલાકોટમાં ચાલી રહેલા આતંકી કેમ્પોને તબાહ કરી નાખ્યો હતો.

જો કે આ સ્ટ્રાઇક બાદ અનેક આંતરરાષ્ટ્રીય સંસ્થાઓએ એવો દાવો કર્યો હતો કે ભારતીય વાયુસેનાની આ સ્ટ્રાઇકમાં કોઇનું પણ મોત નથી થયું. પરંતુ બાદમાં વાયુસેના તરફથી કરવામાં આવેલી પ્રેસ કોન્ફરન્સમાં એ સ્પષ્ટ થઇ ગયું કે આ હુમલા સમયે ત્યાં 300 જેટલાં મોબાઇલ ફોન સક્રિય હતાં. જો કે, વાયુસેના તરફથી એ સ્પષ્ટ ના કરવામાં આવ્યું કે, ત્યાં કેટલાં આતંકવાદીઓને ઠાર કરવામાં આવ્યાં છે. વાયુસેનાનું કહેવું એમ હતું કે લાશોની ગણતરી કરવી એ અમારું કામ નથી.