જમ્મુના ચઢ્ઢા કેમ્પ નજીક સવારે 4.15 વાગ્યે આતંકીઓએ 15 CISF જવાનોની બસ પર હુમલો કર્યો છે. જેમાં એક ASI શહીદ થયા છે.
જમ્મુના ચઢ્ઢા કેમ્પ પાસે CISF જવાનોની બસ પર હુમલો
આતંકવાદી હુમલામાં એક ASI શહીદ અને અન્ય બે ઘાયલ
જમ્મુ-કાશ્મીરના અલગ-અલગ વિસ્તારોની અથડામણમાં પાંચ આતંકીઓ ઠાર
જમ્મુના ચઢ્ઢા કેમ્પ પાસે સવારે લગભગ 4.15 વાગ્યે આતંકીઓએ 15 CISF જવાનોની બસ પર હુમલો કર્યો છે. CISF ના અધિકારીએ કહ્યું કે, આતંકવાદી હુમલામાં તેઓએ જવાબી કાર્યવાહી પણ કરી છે. એક વરિષ્ઠ અધિકારીએ જણાવ્યું કે, આ ઓપરેશન દરમિયાન CISF ના એક ASI શહીદ થયા છે અને અન્ય બે ઘાયલ થયા છે.
J&K | Bus carrying 15 CISF personnel going for morning shift duties attacked by terrorists at about 4.25 hrs near Chaddha Camp in Jammu. CISF averted the terrorist attack, retaliated effectively, and forced the terrorists to run away: CISF officer
અલગ-અલગ વિસ્તારોમાં બે એન્કાઉન્ટર: પાંચ આતંકીઓ ઠાર, એક ભારતીય જવાન પણ શહીદ
જમ્મુ-કાશ્મીરના અલગ-અલગ વિસ્તારોમાં બે એન્કાઉન્ટર થયા છે, જેમાં પાંચ આતંકવાદીઓ ઠાર કરવામાં આવ્યા છે. આતંકવાદીઓ વિરુદ્ધ આ ઓપરેશનમાં એક ભારતીય જવાન પણ શહીદ થયો જ્યારે 9 ઘાયલ થયાના અહેવાલ સામે આવી રહ્યાં છે.
Jammu & Kashmir | One security force jawan martyred and 4 jawans injured in the encounter in Sunjwan area of Jammu.
તાજેતરના હુમલામાં જમ્મુના સુંજવાં વિસ્તારમાં આવેલા ચઢ્ઢા કેમ્પ પાસે સવારે લગભગ 4.15 વાગ્યે આતંકી હુમલો કરવામાં આવ્યો હતો. જેમાં આતંકવાદીઓએ ફરજ પર લઇ જવાતા 15 CISF ના જવાનોની બસ પર હુમલો કર્યો હતો. આ આતંકી હુમલામાં CISF એ પણ જવાબી કાર્યવાહી કરી હતી. ત્યાર બાદ આતંકીઓ ત્યાંથી નાસી છૂટ્યા હતા. આ સમગ્ર કાર્યવાહીમાં કુલ પાંચ જવાનો ઘાયલ થયા હતાં જેમાંથી CISF નો એક ASI શહીદ થયો હતો.
સુરક્ષા દળોને બે AK47 ગન અને એક સેટેલાઇટ ફોન પણ મળી આવ્યો
ત્યાર બાદ સર્ચ ઓપરેશન હાથ ધરવામાં આવ્યું હતું. જ્યાર બાદ સુંજવાંમાં થયેલી અથડામણમાં પાંચ જવાનો ઘાયલ થયા છે. ત્યારે આતંકવાદીઓએ UBGL (ગ્રેનેડ લોન્ચર) માંથી ગ્રેનેડ ફેંક્યો હતો. એડીજીપી જમ્મુ મુકેશ સિંહે જણાવ્યું હતું કે, અમે રાત્રે સમગ્ર વિસ્તારને કોર્ડન કરી દીધો હતો કારણ કે અમને આતંકીઓ છુપાયા હોવાની માહિતી મળી હતી. હજુ પણ આતંકવાદીઓ કોઈ ઘરમાં હોય એવું લાગી રહ્યું હોવાથી હજુ પણ એન્કાઉન્ટર શરૂ છે. એન્કાઉન્ટર બાદ સુરક્ષા દળોને બે AK47 ગન અને એક સેટેલાઇટ ફોન પણ મળી આવ્યો હતો.