હુમલો / સ્વતંત્રતા દિવસ પર ઈઝરાયેલમાં આતંકી હુમલો, ત્રણનાં મોત અને ચાર ઘાયલ, હેલિકોપ્ટરથી સર્ચ ઓપરેશન શરૂ

• ઇઝરાયેલના એલાદમાં આતંકવાદી હુમલો
• બે આતંકવાદીઓએ લોકો પર ચાકુ વડે હુમલો કર્યો હતો
• હુમલામાં ત્રણના મોત, ચાર ઘાયલ

ઇઝરાયેલમાં સ્વતંત્રતા દિવસે જ આંતકી હુમલો થયો  

ઈઝરાયેલના એલાદમાં ગુરુવારે થયેલા આતંકી હુમલામાં ત્રણના મોત થયા હતા. જ્યારે 4 લોકો ઘાયલ હોવાનું કહેવાય છે. આ હુમલો એવા સમયે થયો જ્યારે ઇઝરાયેલ ગુરુવારે તેના સ્વતંત્રતા દિવસની ઉજવણી કરી રહ્યું હતું. ઉલ્લેખનીય છે કે, છેલ્લા કેટલાક સપ્તાહમાં ઈઝરાયેલમાં આતંકવાદી હુમલામાં વધારો થયો છે.પ્રત્યક્ષદર્શીઓએ જણાવ્યું કે સેન્ટ્રલ પાર્કમાં બે આતંકવાદીઓએ કુહાડી અને ચાકુ વડે અનેક લોકો પર હુમલો કર્યો.ઘાયલો પૈકી એકની હાલત ગંભીર હોવાનું કહેવાય છે. પોલીસે પણ આ વાતની પુષ્ટિ કરી છે કે આ એક આતંકવાદી હુમલો હતો. આ હુમલો સ્વતંત્રતા દિવસનો કાર્યક્રમ પૂરો થયા બાદ થયો હતો. હુમલો થયો ત્યારે લોકો પાર્કમાં રજાની ઉજવણી કરી રહ્યા હતા.

આતંકવાદીઓએ હુમલાની કિંમત ચૂકવવી પડશેઃ PM બેનેટ
 
બીજી તરફ પોલીસે હુમલાખોરોની શોધખોળ શરૂ કરી છે. નાકાબંધી કરવામાં આવી છે. આ ઉપરાંત હેલિકોપ્ટર પણ સર્ચ ઓપરેશનમાં લાગેલું છે. બીજી તરફ ઈઝરાયેલના વડાપ્રધાન નફતાલી બેનેટે ગુરુવારે સુરક્ષા અધિકારીઓ સાથે બેઠક યોજી હતી. આ પછી, તેમણે કહ્યું, અમે આતંકવાદીઓ અને તેમને મદદ કરનારાઓને પકડીશું અને તેમને કિંમત ચૂકવવી પડશે.તેલ અવીવ પરના હુમલા, કબજા હેઠળના પશ્ચિમ કાંઠે લશ્કરી કાર્યવાહી અને જેરૂસલેમના સૌથી સંવેદનશીલ પવિત્ર સ્થળ પર હિંસા બાદ તાજેતરમાં ઇઝરાયેલ અને પેલેસ્ટાઇન વચ્ચે તણાવ વધી ગયો છે.

We vehemently condemn the terrorist attack in Israel today. Our hearts are with the victims and the loved ones of those killed. May the memories of those who passed be a blessing.

— Secretary Antony Blinken (@SecBlinken) May 6, 2022

અમેરિકી સેક્રેટરી એન્ટોની બ્લિંકન  ઈઝરાયેલ પરના આતંકવાદી હુમલાની નિંદા કરી

ઈઝરાયેલ પોલીસે જણાવ્યું કે બે લોકોએ આ હુમલો કર્યો હતો. પોલીસે કહ્યું કે આતંકીઓની શોધ હજુ ચાલુ છે. આ સિવાય તમામ શંકાસ્પદ વાહનોની તલાશી લેવામાં આવી રહી છે. બીજી તરફ, આતંકવાદી સંગઠન હમાસે આ હુમલાની પ્રશંસા કરી છે અને તેને જેરુસલેમમાં થયેલી હિંસા સાથે જોડી છે. હમાસે કહ્યું કે અલ-અક્સા મસ્જિદના હુમલાખોરોને બક્ષી શકાય નહીં. અમેરિકી સેક્રેટરી એન્ટોની બ્લિંકન  ઈઝરાયેલ પરના આતંકવાદી હુમલાની નિંદા કરી છે.