કેન્દ્ર સરકારે આતંકવાદ વિરૂદ્ધ યુદ્ધના ધોરણે અભિયાન હાથ ધર્યું છે અને કડકમાં કડક નિર્ણયો લેવા પણ તૈયારી દર્શાવી છે ત્યારે ફરી એકવાર સરકારે ખાલિસ્તાની ગતિવિધિઓને આગળ ધપાવતી 12 જેટલી વેબસાઇટ પર પ્રતિબંધ મુકવાનો નિર્ણય લીધો છે.
કેન્દ્ર સરકારે આતંકવાદ વિરૂદ્ધ કરી કાર્યવાહી
વધુ 12 વેબસાઇટ પર લાદ્યો પ્રતિબંધ
ઉલ્લેખનીય છે કે, આ પ્રતિબંધિત ડઝન વેબસાઇટ્સમાંથી કેટલીક સીધી શીખ ફોર જસ્ટિસ દ્વારા ગેરકાયદેસર સંસ્થા દ્વારા ચલાવવામાં આવી હતી. સૂત્રોના જણાવ્યા અનુસાર તપાસમાં બહાર આવ્યું છે કે ખાલિસ્તાની સમર્થનની સામગ્રી આ વેબસાઇટ્સ પર જોવા મળી હતી.
આ કાયદા હેઠળ વેબસાઇટ કરાઇ બ્લોક
ઇલેક્ટ્રોનિક્સ અને આઇટી મંત્રાલયે સૂચના પ્રૌદ્યોગિકી અધિનિયમનની કલમ 69A હેઠળ આ 12 વેબસાઇટ પર પ્રતિબંધ લાદવાનો આદેશ જાહેર કર્યો છે. ભારતમાં સાઇબર સ્પેસની જાળવણી માટે ઇલેક્ટ્રોનિક્સ અને આઇટી મંત્રાલય નોડલ ઓથોરિટી તરીકે કાર્ય કરે છે. સૂત્રોના જણાવ્યા પ્રમાણે pbseva22, seva413, pbteam, pb5911, sfj4farmers.org, Sjf4farmers.uk, pb13, pb99, sewa13, punjabnow અને sadapind.org વેબસાઇટ પર પ્રતિબંધ લગાવ્યો છે. પ્રતિબંધિત વેબસાઇટને એક્સસ કરવા પર સ્ક્રિન પર સૂચના આવે છે કે, ભારત સરકારના દૂર સંચાર વિભાગે તને બ્લોક કરી દીધેલ છે. વધુ જાણકારી માટે એડમિનિસ્ટ્રેટરનું સંપર્ક કરો.
જુલાઇ 2020માં 40 વેબસાઇટ પર સરકારે લાદ્યો હતો પ્રતિબંધ
રાષ્ટ્રવિરોધી ગતિવિધિઓમાં સામેલ થવાના આરોપમાં ગૃહ મંત્રાલયે ગત વર્ષે Sikh for Justice સંગઠન પર પ્રતિબંધ લગાવ્યો હતો. આરોપ છે કે, આ સંગઠને પોતાના અલગતાવાદી એજન્ડા હેઠળ શીખ રેફરેન્ડમ 2020ને આગળ વધારી રહ્યા છે. કેન્દ્ર સરકારે જુલાઇ 2020માં આ સંગઠન સાથે સંલગ્ન 40 વેબસાઇટ પર પ્રતિબંધ લગાવ્યો હતો, જે આતંકવાદી ગતિવિધિઓને પ્રોત્સાહન આપી રહી હતી.