રાજ્યમાં લૂંટ અને ચોરીની ઘટનાઓ દિન પ્રતિ-દિન વધતી જ જાય છે. ક્યાક લોકો જબરદસ્તી લૂંટી રહ્યા છે તો ક્યાક ચોરીઓ થઇ રહી છે. સુરત શહેરમાં ફરી એકવાર મહિલા ગેંગનો આતંક જોવા મળ્યો છે. વરાછામાં એ.કે. રોડ પર આવેલી મેડિકલની દુકાનમાં મહિલા ચાદર ગેંગ ત્રાટકી હતી અને બાદમાં મહિલા ગેંગે ચોરીને અંજામ આપ્યો છે.
વરાછાના એકે રોડ પર આવેલા કોંગ્રેસના કાર્પોરેટરના મેડિકલ સ્ટોરને મહિલા ચાદર ગેંગે નિશાન બનાવી હતી. અને 10 હજાર જેટલી રોકડ રકમની ચોરી કરીને ફરાર થઈ ગઈ હતી. જોકે, ચોરી કરતી મહિલા ગેંગ સીસીટીવીમાં કેદ થઈ ગઈ છે.
વરાછા વિસ્તારમાં આવેલા એકે રોડ પર કોર્પોરેટર દિનેશ કાછડિયાની મેડિકલ સ્ટોર આવેલી છે. જેમાં ગત રાત્રે ચાદર ગેંગની 6 જેટલી મહિલાઓ ત્રાટકી હતી. અને શટર ઉચું કરી મેડિકલ સ્ટોરમાંથી 10 હજાર જેટલી રકમની ચોરી કરીને ફરાર થઈ ગઈ હતી. જોકે, આ મહિલા ગેંગ સીસીટીવીમાં કેદ થઈ જતા પોલીસ સ્ટેશનમાં ફરિયાદ નોંધાવી હતી. જેથી પોલીસે સીસીટીવી આધારે તપાસ હાથ ધરી છે.
મહિલા ચાદર ગેંગ સુરતમાં 6થી વધુ ચોરીને અંજામ આપી ચુકી છે. થોડા મહિનાઓ પહેલાં કતારગામ, રાંદેર, લાલગેટ, ચોક બજાર વિસ્તારમાં દુકાનોને નિશાન બનાવી ચોરી કરી હતી. જોકે, હજુ સુધી આ મહિલા ગેંગને પકવામાં પોલીસ નિષ્ફળ રહી છે. થોડા દિવસ પહેલા પણ કેટલીક દુકાનોમાં નિશાન બનાવી હતી. મેડિકલમાંથી 10 હજારની ચોરી કરી મહિલાઓ ફરાર થઈ ગઈ હતી. ત્યારે આ મામલે વરાછા પોલીસે ગુનો નોંધીને વધુ તપાસ હાથ ધરી છે.