રિપોર્ટ / પાકિસ્તાને આતંકવાદ રોકવા માટે પૂરતા પગલા નથી ઉઠાવ્યા : FATFની રિપોર્ટ

• APGએ 228 પેજ વાળી બહુપ્રતીક્ષિત 'મ્યૂચ્યૂઅલ ઇવેલ્યૂએશન રિપોર્ટ' જાહેર કરી
• પાકિસ્તાનને કરવામાં આવેલ ભલામણોમાંથી માત્ર એક પર થયું પાલન : APG
• પાકિસ્તાનમાં મની લોન્ડ્રિંગ અને ટેરર ફન્ડિંગનું ઘણું જોખમ : APG

રિપોર્ટ અનુસાર, પાકિસ્તાનમાં મની લોન્ડ્રિંગ અને ટેરર ફન્ડિંગનું ઘણું જોખમ છે. 'ગ્રે લિસ્ટ' માં પાકિસ્તાનને જાળવી રાખવું કે બહાર કરવાના નિર્ણયને લઇને યોજાનારી FATFની મહત્વપૂર્ણ બેઠકથી દસ દિવસ પહેલા શનિવારે એપીજીએ 228 પેજ વાળી આ બહુપ્રતીક્ષિત 'મ્યૂચ્યૂઅલ ઇવેલ્યૂએશન રિપોર્ટ' જાહેર કરી છે. 

પાકિસ્તાનને ગત વર્ષે જૂનમાં 'ગ્રે લિસ્ટ' માં રાખવામાં આવ્યું હતું. અને તેને એક એક્શન પ્લાન આપવા આવ્યો હતો. જે પાકિસ્તાને ઓક્ટોબર 2019 સુધીમાં પૂર્ણ કરવાનો હતો. આમ ન કરવા પર તેને ઇરાન અને ઉત્તર કોરિયાની જેમ બ્લેક લિસ્ટમાં નાંખવાની વાત કરવામાં આવી હતી. 

પાકિસ્તાન દ્વારા એપીજીને આ દિશામાં પ્રગતિ બતાવવાની અંતિમ તારીખ ઓક્ટોબર 2018 છે અને પાકિસ્તાની અધિકારીઓએ ભાર દઇને કહ્યું હતું કે, એમણે ગત વર્ષે આ દિશામાં ઘણી પ્રગતિ કરી છે. 

સમાચાર એજન્સી પીટીઆઇ અનુસાર પાકિસ્તાનના ગ્રે લિસ્ટમાં બની રહેવાની સંભાવના પ્રબળ છે. એક્સ્પ્રેસ ટ્રિબન્યૂન, સમાચાર પત્રમાં કહેવામાં આવ્યું છે કે, રિપોર્ટ મુજબ, મની લોન્ડ્રિંગ અને ટેરર ફન્ડિંગ પર લગામ લગાવવાથી સંબંધિત એફએટીએફની 40 ભલામણોમાંથી પાકિસ્તાને પૂર્ણ રીતે માત્ર એકનું પાલન કર્યું છે. રિપોર્ટમાં કહેવામાં આવ્યું છે કે નવ ભલામણો પર પાકિસ્તાને ઘણી હદે કામ કર્યું છે. જ્યારે 26 ભલામણો પર આંશિક રૂપે કામ થયું અને ચાર ભલામણો પર કોઇ કામ નથી થયું.

રિપોર્ટમાં કહેવામાં આવ્યું કે, પાકિસ્તાનમાં મની લોન્ડ્રિંગ અને ટેરર ફન્ડિંગનું ઘણું જોખમ છે અને તેણે આ જોખમોને લઇને પોતાની સમજમાં સુધાર લાવવો પડશે. આ જોખમ દેશમાં સંચાલિત વિભિન્ન આંતકી સંગઠનોથી પણ છે. 

એપીજીની રિપોર્ટ મુજબ, 'એપીજી રિપોર્ટ બાદ આ વાતની ઘણી સંભાવના છે કે પેરિસમાં 13થી 18 ઓક્ટોબરની વચ્ચે યોજાનારી એફએટીએફની બેઠક દરમિયાન પાકિસ્તાનને ગ્રે લિસ્ટમાં જાળવી રાખવામાં આવશે.