આતંક / અમદાવાદના સ્થાનિકોનો આક્રોશ: બાંગ્લાદેશના અસામાજિક તત્વો જીવવા નથી દેતા, પોલીસ નથી કરતી કાર્યવાહી

• અમદાવાદમાં અસામાજિક તત્વોનો આતંક
• શાહઆલમ વિસ્તારમાં વધ્યો ત્રાસ
• ઈસનપુર પોલીસ ઉપર કાર્યવાહી ન કર્યાનો આક્ષેપ

અમદાવાદના અનેક વિસ્તારોમાં અસામાજિક તત્વોનો ત્રાસ દિવસેને દિવસે વધી રહ્યો છે. આથી અમદાવાદ શહેર હવે જાણે સલામત શહેર ન રહ્યું હોય તેવું લોકોને લાગી રહ્યું છે. પોલીસની ઢીલી નીતિના પાપે અસામાજિક તત્વોનો ત્રાસ વકરતો હોવાની શહેરીજનોમાંથી રાવ ઉઠી રહી છે. બીજી તરફ સુરતમાં અસામાજિક તત્વો બેફામ બન્યા હોય તેવી સ્થિતિ વર્તાઇ રહી છે. જ્યાં આવારા તત્વોએ અંગત અદાવતમાં ગત મોડી રાત્રે પાર્ક કરેલ બાઇકમાં પેટ્રોલ છાંટી આગ લગાડી હતી.

હથિયારો સાથે ઘસી આવેલ શખ્સોનો વિડીયો વાયરલ
અમદાવાદ શહેરના શાહઆલમ વિસ્તારમાં અસામાજિક તત્વોનો આંતક સામે આવ્યો છે. શહેરના ચંડોળા તળાવ નજીક કેટલાક અસામાજિક તત્વોએ રોફ જમાવવાની કોશિષ કરી હતી. હથિયારો સાથે ઘસી આવેલ શખ્સોએ સ્થાનિકો પર હુમલો કર્યો હતો. હુમલા અંગેના વિડિયો પણ સોસિયલ મીડિયમાં વહેતા થયા છે.આ વિસ્તાર આમરો છે. તમે વિસ્તાર ખાલી કરીને જતા રહો તેવી ધમકી આપવાં આવતી હોવાની સ્થાનિકો રાવ ઊઠવી રહ્યા છે. આથી પોલીસની કામગીરી પર પણ લોકોએ સવાલો ઊઠવ્યા છે. ઇસનપુર પોલીસ અસામાજિક તત્વો સામે દાખલરૂપ કામગીરી ન કરતી હોવાના સ્થાનિકો દ્વારા આક્ષેપો કરવામાં આવ્યા છે. સાથેસાથે આ આક્ષેપોને લઈને સ્થાનિક લોકો 
ઝોન-6 DCPને રૂબરૂ મળવા માટે દોડી ગયા હતા. જ્યાં  DCP સમક્ષ સ્થિતિ વર્ણવી હતી. 

સળગતા સવાલો 

• અસામાજિક તત્વોને નથી કોઇનો ભય?
• કેમ વારંવાર બેફામ બને છે અસામાજિક તત્વો?
• પોલીસની ઢીલી નીતિ અસામાજિક તત્વોને આપે છે હિંમત?
• કડક કાર્યવાહી પોલીસ કેમ નથી કરતી?
• અસામાજિક તત્વોસામે દાખલારૂપ કાર્યવાહી ક્યારે?
• લોકોને ક્યારે મળશે અસમાજિક તત્વોથી છૂટકારો?
• અમાજિક તત્વોને કારણે લોકો ક્યાં સુધી સહન કરશે નુકસાન?
• પોલીસ પેટ્રોલિંગમાં કેમ આપે છે ઢીલ?
• શું અસાજિક તત્વો પર કોઈનો હાથ છે.?

સુરતમાં અસામાજિક તત્વોએ બાઇક સળગાવ્યું 
બીજી તરફ સુરતમાં પણ આવારા તત્વો ફાટીને ધૂમાડે ગયા છે. વારંવાર આવારા તત્વોના ત્રાસની ઘટનાઓ પ્રકાસમાં આવી રહી છે. તેવા સંજોગો વચ્ચે ગત રાત્રે સુરતમાં બેફામ બનેલ અસામાજિક તત્વોએ અંગત અદાવતમાં રોષ રાખી બાઇક સળગાવ્યું હતું. પાર્ક કરેલ બાઇકમાં પેટ્રોલ છાંટી આંગ ચાંપી દીધી હતી. જે ને લઈને બાઇક ભડભડ સળગી ઉઠ્યું હતું. એટલું જ નહિ  સળગતા બાઈક પાસે પાર્ક કરેલ મોપેડ પણ આગની ઝપેટમાં આવી ગયું હતું. આ મામલે જાગૃત નાગરિક દ્વારા સુરત મનપાના ફાયર સ્ટાફને જાણ કરવામાં આવી હતી. જેને લઈને ફાયર વિભાગ તાત્કાલિક  ઘટના સ્થળે દોડી ગયો હતો અને અવિરત પાણીનો મારો ચલાવી આગ પર કાબૂ મેળવ્યો હતો. આ સમગ્ર સમગ્ર ઘટના CCTVમાં કેદ થઇ હતી. આથી પોલીસ કાર્યવાહી હાથ ધરી હતી.