અમદાવાદના વાડજમાં આવેલી ગોકુલ વીલા હોટલમાં અસામાજીક તત્વો દ્વારા તોડફોડ કરવામાં આવી
વાડજમાં ગોકુળ વીલા હોટલમાં તોડફોડ
હોટલમાં રૂમ ભાડે નહીં આપતા તોડફોડ
પોલીસે આરોપીની કરી ધરપકડ
અદાવાદમાં હવે ગુનાખોરીનો વ્યાપ વધી રહ્યો હોય તેવું લાગી રહ્યું છે, દિવસે દિવસે ચોરી, લૂંટફાટ, અપહરણ, હત્યાના કેસ સામે આવતા શહેરમાં કાયદો અને વ્યવસ્થાની સ્થિતિ કથડી હોય તેમ લાગી રહ્યું છે એવામાં એક હોટલ રૂમમાં તોડફોડની ઘટના સામે આવી છે.
વાડજમાં ગોકુળ વીલા હોટલમાં તોડફોડ
અમદાવાદના વાડજમાં આવેલી ગોકુલ વીલા હોટલમાં અસામાજીક તત્વો દ્વારા તોડફોડ કરવામાં આવી હતી જેના દ્રશ્યો સીસીટીવીમાં કેદ થયા હતા, મહત્વનું છે કે હોટલાના સ્ટાફ દ્વારા આઈડી વિના હોટલમાં રૂમ ભાડે આપવાનો ઈન્કાર કરાતા એક યુવકે હુમલો કરી હોટલના રૂમમાં તોડફોડ કરી હતી.
હોટલમાં રૂમ ભાડે નહીં આપતા તોડફોડ
જો કે હોટલ સંચાલકો દ્વારા તાત્કાલિક પોલીસને જાણ કરી યુવક વિરુધ્ધ ફરિયાદ નોંધાવી હતી, તો પોલીસે પણ હોટલ રૂમના સીસીટીવી કબ્જે કરી ધમાલ મચાવનાર યુવકની ધરપકડ કરી આગળની કાર્યવાહી હાથ ધરી છે.
આરોપીની ધરપકડ કરી હાથ ધરી વધુ તપાસ
અમદાવાદના જૂના વાડજ વિસ્તારમાં અસામાજિક તત્વોનો આતંક લઈને પોલીસ હરકતમાં આવી છે, મહત્વનું છે કે જૂના વાડજ સર્કલ પર આવેલી ગોકુળ વીલા હોટલમાં યુવકે તોડફોડ કરી હતી, જેમાં આઇ.ડી વિના હોટલમાં રૂમ ભાડે નહીં આપતા યુવક ઉશ્કેરાયો હતો, પટેલ વાસમાં રહેતા જીત નાઈ નામનો આ શખ્સ અને તેના કાકા અનેકવાર લુખ્ખી દાદાગીરી કરતા હોય છે, પોલીસમાં અનેક વખત જીત નાઈ વિરુદ્ધ અરજી કરાઈ છે. જીત નાઈ અવાર નવાર ખુલ્લેઆમ દાદાગીરી અને મારામારી કરે છે. આ વખતે જીત નાઈ દ્વારા હોટલમાં તોડફોડ કરાતા તેની સામે ગુનો નોંધાયો છે અને પોલીસે તેવી ધરપકડ કરી છે.