કામરેજમાં અસામાજિક તત્વોનો આતંક CNG પંપના મેનેજરને માર્યો ઢોર માર

સુરતઃ કામરેજ વિસ્તારમાં અસામાજિક તત્વોનો આતંક જોવા મળ્યો છે. કેટલાક શખ્સોએ પેટ્રોલ પંપમાં તોડફોડ કરી. તો સાથે જ પેટ્રોલ પંપના મેનેજરને ઢોર માર માર્યો હતો. CNG પંપ પર પૈસા આપવા મુદ્દે ટેમ્પા ચાલક સાથે માથાકુટ થઈ હતી.

ત્યાર બાદ મેનેજર અને ટેમ્પા ચાલક વચ્ચે બોલાચાલી થતાં ટેમ્પા ચાલકે અન્ય 2 યુવકને બોલાવ્યા હતા. ત્યાર બાદ ત્રણેય શખ્સે પેટ્રોલ પંપ પર તોડફોડ કરી હતી. લાકડાના ફટકા મારીને મેનેજરને ઢોર માર માર્યો હતો.

તો મારમારીની આ સમગ્ર ઘટના પેટ્રોલ પંપ પર લાગેલા સીસીટીવી કેમેરામાં કેદ થઈ હતી. જ્યારે પોલીસે હુમલો કરનાર 3 શખ્સની અટકાયત કરી લીધી છે.