આગ પે આપ / કચ્છની જુની જેલમાં ભયાનક આગ, ધડાકા ભડાકાથી નાસભાગનો માહોલ

Kutch News : ગુજરાતમાં આગ શાંત થવાનું નામ નથી લઇ રહી. એક પછી એક રોજિંદી રીતે કોઇને કોઇ મહાનગરમાં આગના સમાચારો સામે આવતા જ રહે છે. આજે ભુજમાં સરપટ નાકા પાસે આવેલી જૂની જેલના કમ્પાઉન્ડમાં ભયાનક આગ લાગી હતી. કોઈ કારણોસર આગ લાગતા ભયજનક દ્રશ્યો સર્જાયા હતા. કમ્પાઉન્ડમાં રહેલા અનેક વાહનોમાં પણ આગ લાગી ગઇ હતી.

ધડાકા ભડાકા સાથે આગ

જુની જેલના કમ્પાઉન્ડમાં રાખવામાં આવેલા અનેક વાહનોમાં પણ આગ લાગી ગઇ હતી. વાહનોમાં આગ લાગતા ધડાકા ભડાકા અને બ્લાસ્ટ થયા હતા. પોલીસે જપ્ત કરીને રાખવામાં આવેલા વાહનોની ટાંકીમાં પેટ્રોલ ડીઝલ હોવાના કારણે આગ હજી પણ વિકરાળ સ્વરૂપ ધારણ કરે તેવી શક્યતા છે. ઘટના અંગે માહિતી મળતાની સાથે જ પોલીસ અને ફાયર બ્રિગેડ ઘટના સ્થળે પહોંચીને આગ પર કાબુ મેળવવાનો પ્રયાસ કરી રહ્યા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ