જવાબદાર કોણ? / VIDEO: રાજકોટના કાલાવડ રોડ પર ભયંકર અકસ્માત, કારમાંથી યુવતીએ કરી નાસી જવાની કોશિશ

• રાજકોટના કાલાવડ રોડ પર સર્જાયો અકસ્માત 
• કારની અડફેટે આવતા બાઈક સવાર ફંગોળાયા 
• અકસ્માતની સમગ્ર ઘટના CCTVમાં થઈ કેદ

રસ્તા પર ઝડપ જીવલેણ સાબિત થઇ શકે છે તેનો પૂરાવો રૂપે એક CCTV ફૂટેજ સામે આવ્યા છે. રાજકોટના કાલાવડ રોડ પર અકસ્માત સર્જાયો છે. જેમાં કારની અડફેટે એક બાઇક ચાલક આવ્યો હતો. જેમાં બાઇક પર સવાર લોકો ફંગોળાઇને કારને પાછળ પડ્યા હતા. આ અકસ્માતની સમગ્ર ઘટના CCTVમાં કેદ થઇ છે. આ અંગે તાલુકા પોલીસે તપાસ હાથ ધરી છે.

ટ્રાફિકના નિયમ તોડવા બદલ દંડ લેવાય છે પરંતુ...

રાજકોટમાં છેલ્લા અનેક દિવસથી અકસ્માતની ઘટનાના મોટા પ્રમાણમાં સમાચાર આવી રહ્યા છે. જો પોલીસ ટ્રાફિકના નિયમનો ભંગ કરવા બદલ દંડ વસૂલાત કરે છે. તો અકસ્માતજનક રસ્તાઓ પર સાવચેતી પૂર્વક વાહનો ચાલે તે પણ જવાબદારીનું કામ છે.

રાજકોટમાં જે ઘટનાના સીસીટીવી ફૂટેજ સામે આવ્યા. તેમાં કોઈ પણ ડિવાઈડર જોવા મળ્યું નથી. ડિવાઈડર ન હોવાના કારણે રસ્તાઓને સૂચિત કરતા બોર્ડ પણ હોતા નથી. સાથે સિગ્નલ પણ હોતા નથી. અકસ્માતની ઘટના બાદ કારની ડ્રાઈવિંગ સીટ પરથી એક યુવતી બહાર નીકળીને કોઈ ઘર તરફ જતી પણ સીસીટીવીમાં જોવા મળે છે.