દુર્ઘટના / રાજસ્થાનના પાલીમાં ભયંકર અકસ્માતઃ ગેસ પાઇપલાઇન ખાનગીબસની આરપાર ઘુસી ગઇ, મહિલા સહિત 2ના દર્દનાક મોત

• રાજસ્થાનના પાલી જીલ્લામાં ભયંકર અકસ્માત
• અકસ્માતમાં 2 લોકોના દર્દનાક મોત થયા
• ગેસ પાઇપલાઇન બસમાં ઘુસી જતા સર્જાયો અકસ્માત

રાજસ્થાનના પાલી જિલ્લામાં અમદાવાદ-જયપુર હાઇવે પર સુમેરપુર સાંડેરાવની નજીક એક ખાનગી બસ પૂણે જઇ રહી હતી. ત્યારે, રોડ કાંઠે ગેસ કંપનીની ગેસ પાઇપલાઇન પાથરવાનું કામ લાંબા સમયથી ચાલી રહ્યું હતું.

મંગળવારે હાઇડ્રા મશીનથી પાઇપ ઉઠાવીને ખોદવામાં આવેલા ખાડામાં નાખવામાં આવી રહ્યું હતું ત્યારે હાઇડ્રા મશીનનું બેલેન્સ બગડ્યું જેનાથી રોડ પર જઇ રહેલી ખાનગી બસમાં પાઇપ ઘુસી ગયો. ગેસ પાઇપ એક તરફથી ઘુસીને બીજી તરફ નીકળી ગયો.

અચાનક પાઇપનો એક ભાગ અંદર ઘુસીને બસની બન્ને તરફની બારીઓ વાળા ભાગને તોડતા પાછળ તરફ ચાલ્યો હતો. ખાનગી બસ સમગ્ર સ્લીપર કોચ હતી. અંદર ઉંઘી રહેલા લોકોને કંઇ સમજમાં પણ નહોતું આવી રહ્યું કે આ શું થયું. જે લોકો બેઠા હતા અને પાઇપની ઝપેટમાં આવ્યા, તેમનું ઘટનાસ્થળે જ મોત થઇ ગયું.

અહીં અરેરાટી મચી જવા પામી હતી. રોડ પર જઇ રહેલા લોકોએ પોતાના ગાડીઓને રોકીને બસમાં ઇજાગ્રસ્તોને બહાર કાઢ્યા. ત્યારે, મહિલા નૈના દેવી દેવાસીનું માથુ કપાઇને શરીરથી અલગ થઇ ગયું જેને શોધવા માટે ઘણો પ્રયાસ કરવો પડ્યો. નૈના દેવીના 4 મહિનાનું એક બાળક પણ સાથે છે જે રડી પડ્યું હતું.

ત્યારે ગાડીના પેસેન્જર પોતાના સામાનને શોધતા નજરે આવ્યા. જ્યારે બહુ લોકો ખાનગી વાહનોથી પોતાના ઘરોની તરફ જતા નજરે આવ્યા. ઇજાગ્રસ્તોને સાંડેરાવ હોસ્પિટલમાં દાખલ કરવામાં આવ્યા. ઇજાગ્રસ્તોમાં વધુ પડતા બાળકો છે. અંદાજિત બે ડઝન લોકો ઇજાગ્રસ્ત થયા છે. જે વધુ પડતા ઇજાગ્રસ્ત હતા, તેમણે પાલીના બાંગડ હોસ્પિટલમાં લઇ જવાયા હતા.

મૃતક મૈના દેવી દેવાસી અને ભંવર લાલ પ્રજાપત છે જે ઇટાલીના રહેવાસી છે. સાંડેરાવ પોલીસ અધિકારી ઢોલા રામ પરિવાર પોલીસ દળની સાથે ઘટના સ્થળે પહોંચ્યા અને ઇજાગ્રસ્તોને બસની બહાર કાઢીને સરકારી હોસ્પિટલ ખસેડ્યા.