ભારતમાં લગ્ન કરવા માટે લોકો મંડપથી લઇને ફટાકડા સુધી, પાનેતરથી લઇને ડોલી સુધી બધી જ વાતનુ ધ્યાન રાખતા હોય છે. ગુજરાતમાં ડેસ્ટિનેશન વેડિંગ માટેની બે જગ્યા વિશે તમે જાણો છો?
ગુજરાતમાં ડેસ્ટિનેશન વેડિંગ
અમદાવાદ અને કેવડિયામાં કરો વેડીંગ
જમ્મુ કાશ્મીરમાં ડેસ્ટિનેશન વેડીંગ માટે બેસ્ટ
તેમાં પણ જ્યારે ડેસ્ટિનેશન વેડીંગની વાત આવે ત્યારે ભારતમાં કઇ જગ્યા પર પસંદગી ઉતારવી તે વિચારવામાં કનફ્યુઝ થઇ જવાય તેટલી જગ્યાઓ છે પરંતુ CN ટ્રાવેલરે આપણુ તે કામ પણ આસાન કરી દીધુ છે.
ભારતમાં બેસ્ટ ડેસ્ટિનેશન વેડિંગ કઇ જગ્યાએ કરી શકાય તેના ઓપ્શન Cn traveller લઇને આવ્યુ છે. Cn travellerએ જેટલી જગ્યા પસંદ કરી છે તેમાંથી ગુજરાતની બે જગ્યા પણ પસંદગી પામી છે.
સ્ટેચ્યુ ઓફ યુનીટી ટેન્ટ સીટી-1
નર્મદા કિનારે ખળ ખળ વહેતા પાણીના શીતળ અવાજ સાથે અગ્નિની સાક્ષીએ સાત ફેરા લેવાની મજા કંઇક અલગ છે. આ પ્રકારના લગ્ન કરવાનુ જો તમે વિચારો છો તો આપણા ગુજરાતમાં જ સ્ટેચ્યુ ઓફ યુનીટી છે. ટેન્ટ સિટીમાં લગ્નનો પ્લાન બનશે તો લગ્ન યાદગાર બની જશે. દુનિયાનપ સૌથી ઉંચપ સ્ટેચ્યુ અને કુદરતી નજારો તો ખરા જ,સાથે સાથે વેડિંગ પેકેજ પણ ઉપલબ્ધ છે. ડેકોરેશનથી લઇને ફૂડ અને ગેસ્ટ માટે ટ્રાંસપોર્ટેશનની સુવિધા ત્યાં જ મળી રહેશે.
કેટલુ અંતર છે?
જો તમે સુરતથી જઇ રહ્યા છો તો 158 કિમી દૂર સ્ટેચ્યુ ઓફ યુનીટી થશે.
અમદાવાદથી 196 કિમી અને ઇન્દોરથી 313 કિમીના અંતરે તમારુ ડેસ્ટિનેશન વેડિંગ પ્લાન થશે.
હયાત રેજેન્સી અમદાવાદ
210 રૂમની લક્ઝૂરિયસ હોટલ, શહેરની વચ્ચોવચ અને 14000 sq ft ઇન્ડોર અને આઉટડોર કસ્ટમાઇઝ્ડ વેન્યુ છે. બોલરૂમથી એન્ટ્રન્સ અને રૂમથી લઇને અન્ય ફેસિલીટીઝ શાનદાર છે. બૉલરૂમની 600 માણસની કેપેસીટી છે. તમે આ હોટલમાં ઇવેન્ટ પણ પ્લાન કરી શકો છે.
કેટલુ અંતર?
જો તમે વડોદરા રહો છો તો 115 કિમી, સુરતથી 270 અને ઉદયપુરથી 266 કિમી દુર આ વેન્યુ પડશે. વધુ જાણકારી માટે હયાતની ઓફીશીયલ વેબસાઇટ પર વિઝીટ કરો.
ધ લલિત ગ્રાન્ડ પેલેસ, જમ્મુ અને કાશ્મીર
હિમાલયની નજીક જમ્મુ અને કાશ્મીર કે જેને દુનિયા પરના સ્વર્ગની પદવી આપવામાં આવી છે. જ્યાં ડલ લેક છે અને વર્ષો જુના ચિનારના વૃક્ષો છે. મોટા મોટા બગીચા છે અને રોયલ ફીલ છે તે જગ્યાએ લગ્ન કરવા કોને પસંદ ન હોય. બસ આવી જ એક જગ્યા છે ધ લલિત ગ્રાન્ડ પેલેસ જે જમ્મુ કાશ્મીરમાં આવેલુ છે. તમારે પણ આ જગ્યાએ લગ્ન કરવાનુ પ્લાનિંગ કરવુ હોય તો પ્રી બૂકિંગ કરાવી લેજો અને શ્રીનગર એરપોર્ટથી માત્ર 16 કિમીના અંતરે આવેલુ છે.