જોકોવિચને ટેનિસના ઇતિહાસનો સૌથી સફળ ખેલાડી બનવા માટે માત્ર એક ગ્રાન્ડ સ્લેમ ખિતાબની જરૂર , હાલમાં આ રેકોર્ડ રોજર ફેડરર અને રાફેલ નડાલ પાસે છે.
ફ્રેંચ ઓપનની ફાઈનલમાં જોકોવીચની અવિશ્વસનીય જીત
સિતસિપાસે ટેનિસના દિગ્ગજને આપી કાંટાની ટક્કર
12 વર્ષના બાળકે જોકોવીચની જીતમાં આપ્યું મહત્વનું યોગદાન
કટોકટીભરી મેચમાં જોકોવિચે 3-2થી વિજય મેળવ્યો
રોમાંચથી ભરપુર એવી ફ્રેંચ ઓપનની ફાઈનલમાં વિશ્વના નંબર-1 ખેલાડી નોવાક જોકોવિચે ગ્રીક યુવા સ્ટેફાનોસ સિતસિપાસને હરાવીને 19મો ગ્રાન્ડ સ્લેમ ખિતાબ જીત્યો. ઓસ્ટ્રેલિયા ઓપન બાદ ફ્રેંચ ઓપન જીતીને આ વર્ષનો બીજો ખિતાબ જોકોવિચે પોતાના નામે કર્યો. ફ્રેંચ ઓપનની સેમી ફાઈનલમાં ટેનિસના દિગ્ગજ ખેલાડી રાફેલ નડાલને હરાવીને ફાઈનલમાં પ્રવેશ મેળવ્યો હતો. કાંટાની ટક્કરમાં યોકોવિચે આ મેચ 6-7 (6-8), 2-6, 6-3, 6-2, 6-4થી જીતી લીધી.
સિતસિપાસે પ્રથમ 2 સેટ જીતીને સમગ્ર વિશ્વને ચોંકાવી દીધુ.
ફ્રેંચ ઓપન જીતવા માટે યોકોવિચ ફેવરીટ હતો પરંતુ યુવા સિતસિપાસે કાંટાની ટક્કર આપતા પ્રથમ 2 સેટ જીતીને સમગ્ર વિશ્વને ચોંકાવી દીધુ. ત્રીજો સેટ જીતીને સિતસિપાસ ટેનિસના ઇતિહાસનું મેજર અપસેટ સર્જવા માટે મક્કમ જ હતો પરંતુ યોકોવિચના મનોબળ અને મેચને અંતમાં લઇ જઈને ફેરવી દેવાની આવડત આગળ તે હારી ગયો. યોકોવિચની આ અવિશ્વસનીય જીત દર્શાવે છે કે જ્યાં સુધી તમે મનથી હારી ના જાઓ ત્યાં સુધી તમને કોઈ હરાવી શકતું નથી.
Amazing moment of Novak Djokovic handing his French Open title winning racket to a young boy. pic.twitter.com/zOHOXa53bp
જોકોવિચે પોતાની વિજયનો શ્રેય ૧૨ વર્ષના બાળકને આપ્યો.
2 સેટમાં હાર મળતા જોકોવિચને પરાજય તેમણી આંખો સામે દેખાઈ રહ્યો હતો તેવામાં ૧૨ વર્ષના બાળકે જોકોવિચને ચાલુ મેચમાં જ કોચિંગ આપવાની શરુ કરી દીધી, મેચ પત્યાં બાદ જોકોવિચે જણાવ્યું કે, તે મને સતત મારી સર્વિસ ગેમને સુધારવા માટે અને સિતસિપાસને બેકહેન્ડ પર લાવવા માટે ગાઈડ કરી રહ્યો હતો મારી આ જીતનો હકદાર મારો આ ફેન છે. યોકોવિચે પોતાનું રેકેટ ગીફ્ટ કરીને આ ફેનનો આભાર વ્યક્ત કર્યો.
ફ્રેંચ ઓપન જીતવાની સાથે યોકોવિચ પ્રત્યેક ગ્રાન્ડ સ્લેમ ખિતાબ 2 વખત જીતનારો વિશ્વનો ત્રીજો ખેલાડી બન્યો. આ ઉપલબ્ધી ટેનિસના દિગ્ગજો રોજર ફેડરર અને રાફેલ નડાલ પાસે પણ નથી. વિશ્વના સૌથી સફળ ટેનિસ ખેલાડી બનવા માટે જોકોવિચ હવે માત્ર એક ખિતાબ દુર છે. જોકોવિચે પોતાની સફળતા પાછળનું કારણ જણાવતા કહ્યું કે, તેઓ કોઈ પણ પરિસ્થિતિમાં નાસીપાસ નથી થતા. ટેનિસમાં શારીરિકની સાથે સાથે માનસિક રીતે પણ મજબુત હોવું ખુબ જ જરૂરી છે.