તેલંગણાના એક મકાન માલિકે લૉકડાઉન દરમિયાન જે દરિયાદિલી દર્શાવી છે તેવી તો ભાગ્યે જ કોઇકે દર્શાવી હતી. આ મકામ માલિકે 1-2 નહી પૂરા 75 ભાડુઆતોનું એપ્રિલ મહિનાનું ભાડું માફ કરી દીધુ છે.જેની કુલ રકમ 3.4 લાખ રૂપિયા છે.
તેલંગાણાના ઘરના માલિકે દરિયાદિલી બતાવી
લૉકડાઉન દરમિયાન મકાન માલિકે પોતાના 75 ભાડુઆતોનું ભાડું માફ કરી દીધુ
3 બિલ્ડિંગના માલિકે ભાડુઆતોને કહ્યુ કે, એપ્રિલ મહિનાનું ભાડું આપવાની જરૂર નથી
3-3 બિલ્ડિંગના માલિકે એવા 41 વર્ષીય કોડુરી બાલાલિંગમે પોતાના ભાડુઆતોને કહ્યુ કે, ''તેમણે એપ્રિલ મહિમાનું ભાડું ચૂકવવાની જરૂર નથી. હૈદરાબાદના બાલાનાગરમાં રહેતા કોડુરી બાલાલિંગમે કહ્યુ કે, મને ખબર છે કે ભૂખ શું છે મે પણ જીવનમાં ખૂબ જ સંઘર્ષ કર્યો છે ત્યારે અહીં સુધી પહોંચ્યો છું. હું નથી ઇચ્છતો કે આમાંતી કોઇ પણ પરિવાર આ સંકટ સમયે મુશ્કેલીનો સામનો કરે. મારી મોટાભાગની બિલ્ડિંગ 1 BHK ની છે. જેમાં મોટાભાગે મજૂર વર્ગ રહે છે. આ તમામનું ભાડું માફ કરી દીધુ છે. જેની કુલ રકમ 3.4 લાખ થવા જાય છે.''
કોડુરીએ ત્યાં સુધી કહ્યુ કે, જો સ્થિતિ વધારે વણસે અને મજૂરો પાસે કમાણીનું કોઇ સાધન હોય તો તેઓ આગામી મહિને પણ ભાડું માફ કરી શકે છે. તેમણે ભાડુઆતોનું ભાડું માફ કરવાની સાથે જ તેલંગણા અને આંઘ્રપ્રદેશ બંનેના 250 ગરીબ પરિવાર વચ્ચે 2.5 લાખ રૂપિયાનું દાન કર્યુ છે.
કોડુરા મૂળ રાજન્ના સિલસિલ્લા જિલ્લાના રાજાપોટા ગામના રહેવાસી છે. તેમના માટે આ રીતે લોકોને દાન કરવું મોટી વાત નથી. 2005માં પણ તેમણે જ્યારે પોતાના ગામમાં પહેલી લેબોરેટરીની સ્થાપના કરી હતી ત્યારે જરૂરિયાતમંદોને લગભગ 1.20 કરોડ રૂપિયાનું દાન કર્યુ હતુ. બીજાને મદદ કરવાની તેમની સ્વભાવમાં છે તેવી વાત તેમણે કહી હતી.