દેશમાં કોરોનાના કારણે લૉકડાઉનની સ્થિતિ છે ત્યારે ઝારખંડના દુમકામાં એક શરમજનક ઘટના સામે આવી છે. અહીં 16 વર્ષીય સગીરા સાથે સામુહિક બળાત્કારની ઘટના સામે આવી છે. આ ઘટના એટલા માટે ભયાનક પણ છે કે છોકરી તેના જે મિત્ર પાસે ઘરે પહોંચવા માટે મદદ માંગવા ગઈ હતી, તે યુવકે જ તેની સાથે દુષ્કર્મ કર્યું હતું. આ સ્થિતિનો ફાયદો લઈને અન્ય 10 લોકોએ પણ તેની પર દુષ્કર્મ કર્યું.
લૉકડાઉનમાં પણ ગેંગરેપની શરમજનક ઘટના
જે મિત્ર પાસે માગી મદદ તેણે જ કર્યું દુષ્કર્મ
યુવકના અન્ય મિત્રો સહિત 10 નરાધમોએ આચર્યું દુષ્કર્મ
આ સમગ્ર મામલે પોલીસ દ્વારા કહેવામાં આવ્યું છે કે તે તમામ દસ આરોપીઓ વિરુદ્ધ FIR નોંધવામાં આવી છે. તે સાથે જ સમગ્ર કેસની તપાસ માટે એક વિશેષ તપાસ ટીમની રચના કરવામાં આવી છે. પોલીસનું કહેવું છે કે ટૂંક સમયમાં જ તમામ આરોપીઓને પકડવામાં આવશે.
કોરોનાના ભય વચ્ચે બની આ શરમજનક ઘટના
હાલમાં કોરોના વાયરસથી સમગ્ર વિશ્વ ભયભીત છે. આ રોગચાળાએ વિશ્વભરમાં 27,365 લોકોનો ભોગ લીધો છે. તે જ સમયે 597,267 લોકો આથી પ્રભાવિત છે. ભારતમાં કોરોના વાયરસને કારણે અત્યાર સુધીમાં 20 લોકોનાં મોત નીપજ્યાં છે, જ્યારે અત્યાર સુધીમાં 900 કેસ નોંધાયા છે. કોરોના વાયરસના વધતા જતા ખતરોને ધ્યાનમાં રાખીને સરકારે દેશભરમાં 21 દિવસનું લૉકડાઉન જાહેર કર્યું છે. આ સમયે પણ કેટલાક નરાધમોનું આ કૃત્ય ખરેખર શરમાવે તેવું છે.