રેબઝેબ / ગુજરાતમાં ખરો તપ્યો ઉનાળો: આ શહેરોમાં બપોરે બહાર નીકળતા પહેલા ચેતજો હિટવેવની આગાહી

• ગુજરાતમાં 11 શહેરોનું તાપમાન 40 ડિગ્રીને પાર
• ગુજરાતમાં હજુ 2 દિવસ રહેશે હીટવેવની અસર
• અમરેલીમાં 41.6 ડિગ્રી તાપમાન નોંધાયું

માર્ચ મહિનાની શરૂઆતથી જ અમદાવાદ સહિત સમગ્ર રાજ્યમાં ગરમીનો પારો સતત વધી રહ્યો છે. ગુજરાતમાં 11 શહેરોમાં તાપમાન 40 ડિગ્રીને પાર પહોંચી ગયું છે. રાજ્યમાં હજુ 2 દિવસ હીટવેવની અસર રહેશે તેવી હવમાન વિભાગે આગાહી કરી છે. સૌથી વધુ અમરેલીમાં 41.6 ડિગ્રી તાપમાન નોંધાયું છે આવનાર દિવસોમાં ઉત્તર ગુજરાત, મધ્ય ગુજરાત, સૌરાષ્ટ્રમાં  વ્યાપક ગર્મી પડવાની સંભાવના છે.

કયા શહેરમાં હીટવેવ?

'ઉનાળો ખૂબનો તપશે': અંબાલાલ પટેલ
તો બીજી તરફ હોળીની જ્વાળા જોઈ હવામાન નિષ્ણાત અંબાલાલ પટેલે આગાહી કરી છે આ વખતે ઉનાળો કાળઝાળ રહે તેવા એંધાણ છે. અંબાલાલના જણાવ્યા અનુસાર 20 એપ્રિલ  બાદ ગરમીનું પ્રમાણ ખુબ વધી જશે, 26 એપ્રિલ બાદ ગરમીનો પારો 46 -47 ડિગ્રી સુધી પહોંચશે વધારે ગરમીના કારણે વરસાદ પણ ભારે આવશે અને સાથે આંધી અને તોફાનો પણ લાવશે. 

સૌરાષ્ટ્રમાં ગરમીની આગાહી
સૌરાષ્ટ્ર અને કચ્છમાં સિવિયર હિટવેવની આગાહી કરવામાં આવી છે. તેમાં પણ રાજકોટમાં તો અતિશય ગરમીની આગાહી કરવામાં આવી છે. પરિણામે સૌરાષ્ટ્ર અને કચ્છમાં ઓરેન્જ એલર્ટ જાહેર કરવામાં આવશે. સૌરાષ્ટ્રમાં  સુરેન્દ્રનગર, રાજકોટ, અમરેલીમાં હિટવેવની અસર રહેશે તેમ પણ આગાહી કરી હતી

અમદાવાદીઓ તપારા માટે રહો તૈયાર
આવનારા દિવસોમાં અમદાવાદમાં કાળઝાળ ગરમી પડશે તેમ હવામાન વિભાગે જણાવ્યું હતું. અમદાવાદમાં 41 ડિગ્રીએ તાપમાન પહોંચ્યું હતું  જેને કારણે અમદાવાદમાં યલો અલર્ટ જાહેર કરવામાં આવ્યું હતું. જો કે આગામી સમયમાં અમદાવાદમાં પારો 43 ડિગ્રી સુધી પહોંચે તેવી શક્યતા પણ વ્યક્ત કરી છે