રાજ્યમાં ઠંડીનું જોર યથાવત્ ઠંડા પવનથી તાપમાનનો પારો ગગડયો

રાજ્યભરમાં ઠંડીનો જોર યથાવત છે. ઉત્તર-પૂર્વમાં થઈ રહેલી હિમવર્ષા અને ત્યાર બાદ ઠંડા પવનોનું જોર વધી ગયું છે. જેના કારણે મેદાની પ્રદેશોમાં લોકો ઠુંઠવાઈ રહ્યા છે. ત્યારે ગુજરાતમાં પણ ઠંડીનું જોર જામી રહ્યું છે. અમદાવાદમાં તાપમાનનો પારો 14 ડિગ્રીએ પહોંચી ગયો છે.

જ્યારે કચ્છનું નલિયા રાજ્યનું સૌથી ઠંડુ શહેર રહ્યું. નલિયામાં લઘુત્તમ તાપમાન 12થી 13 ડિગ્રી નોંધાઈ રહ્યું છે. ડીસામાં પણ તાપમાનનો પારો ગગડી રહ્યો છે. રાજસ્થાનનું પર્યટક સ્થળ માઉન્ટ આબુમાં તો તાપમાનનો પારો 4 ડિગ્રી સુધી ગગડી ગયો છે. તો બીજી તરફ અફઘાનિસ્તાનના પૂર્વ વિસ્તારમાં વેસ્ટર્ન ડિસ્ટર્બન્સ સર્જાયું છે જેના કારણે રાજ્યના કેટલાક વિસ્તારોમાં ઝાપટા પડી શકે છે.

વેસ્ટર્ન ડિસ્ટર્બન્સ પસાર થયા બાદ 12 અને 13 ડિસેમ્બર બાર ઠંડા પવનો જમીન તરફ આવી શકે છેઅને 15થી 30 ડિસેમ્બર વચ્ચે રાજ્યમાં કાતિલ ઠંડી પડવાની શક્યતા છે. રાજ્યમાં વધી રહેલા તાપમાનથી નાગરીકોએ ઠંડી સામે રક્ષણ મેળવવા મોર્નિગ વોક પ્રણાયમ સહિત યોગ શરૂ કરી નાખ્યા છે.

આ ઉપરાંત રાજ્યના નાગરીકોએ ઠંડીથી બચવા ગરમ કપડાનો પણ સહારો લઈ લીધો છે. આમ રાજ્યમાં ઠંડીનો ચમકારો દિવસેને દિવસે વધી રહ્યો છે ત્યારે હવામાન વિભાગે હજુ પણ પારો ગગડે તેવી આગાહી કરી છે.

અમદાવાદ શહેરમાં આજરોજ વહેલી સવારથી ધુમ્મસમય વાતાવરણ પણ જોવા મળ્યું. જો કે ઠંડ઼ીની શરૂઆત થતા જ શહેરના વિવિધ પાર્કમાં હેલ્થ કોન્સિયસ લોકો ઉમટી પડ્યા છે. વહેલી સવારના ખુશનુમા વાતાવરણાં હેલ્થ કોન્સિયસ લોકો યોગા કસરત વિવિધ શારીરીક કસરતમાં વ્યસ્ત બન્યા છે.

પૂર્વીય વિસ્તારમાં વેસ્ટર્ન ડિસ્ટર્બન્સની સાથે અપર એર સાયક્લોનીક સરક્યુલેશન સક્રીય થયું છે જેની અસરોથી 10 અને 11 ડિસેમ્બરમાં બે દિવસમાં માવઠાની શક્યતા છે.

વેસ્ટર્ન ડિસ્ટર્બન્સની અસરોથી રાજ્યમાં અનેક સ્થળે ઝાપટાં અને અમદાવાદમાં વાદળિયા વાતાવરણ વચ્ચે વરસાદી છાંટા પડવાનો વરતારો હવામાન વિભાગે કર્યો છે. 12થી 13 ડિસેમ્બર બાદ બેથી ત્રણ ડિગ્રી ગગડતાં કાતિલ ઠંડી શરૂ થવાની શક્યતા છે.

ત્યારે વેસ્ટર્ન ડિસ્ટર્બન્સ ની અસર ના કારણે ગુજરાત  રાજ્યમાં ઠંડીનું પ્રમાણ વધશે જેની અસર અમદાવાદ માં વહેલી સવારે જોવા મળી  હતી