ગુજરાતમાં હજુ 3 દિવસ સુધી ગરમીનું પ્રમાણ યથાવત રહેશે. ત્યારે રાજ્યના 5 શહેરોમાં તાપમાન 42 ડિગ્રીથી વધુ નોંધાયું છે.
ગુજરાતમાં હજુ 3 દિવસ સુધી ગરમીનું પ્રમાણ યથાવત
રાજ્યના 5 શહેરોમાં 42 ડિગ્રીથી વધુ તાપમાન
કંડલામાં તાપમાન 46 ડિગ્રી સુધી પહોંચ્યું
ગુજરાતમાં કાળઝાળ ગરમી થમવાનું નામ નથી લઇ રહી. ત્યારે હજુ પણ ગુજરાતની જનતાને ગરમીથી રાહત નહીં મળે. હવામાન વિભાગે આગાહી કરતા જણાવ્યું કે, 'રાજ્યમાં હજુ ગરમીનું પ્રમાણ યથાવત રહેશે. હજુ 3 દિવસ સુધી રાજ્યમાં ગરમીનો પ્રભાવ રહેશે.'
રાજ્યના 5 શહેરોમાં 42 ડિગ્રીથી વધુ તાપમાન
તાપમાનની જો વાત કરીએ તો રાજ્યમાં કંડલામાં તાપમાન 46 ડિગ્રી સુધી પહોંચ્યું છે તો અમદાવાદમાં 43.7, રાજકોટમાં 43.7 ડિગ્રી તાપમાન, ગાંધીનગરમાં 43 જ્યારે ડીસામાં 42.4 ડિગ્રી તાપમાન, પાટણમાં 42.4 ડિગ્રી જ્યારે ભાવનગરમાં 41.5 ડિગ્રી તાપમાન પહોંચ્યું છે. રાજ્યના 5 શહેરોમાં 42 ડિગ્રીથી વધુ તાપમાન હાલ નોંધાઇ રહ્યું છે.
ધોમધખતી ગરમીમાં લોકો ઠંડી ચીજ વસ્તુઓનું સેવન કરી રહ્યાં છે
ગરમીનો પારો દિવસે ને દિવસે ઉંચકાઈ રહ્યો છે, તેમ તેમ લોકોની પરેશાનીમાં પણ વધારો થઈ રહ્યો છે. આવી ધોમધખતી ગરમીમાં લોકો ઠંડી ચીજ વસ્તુઓનું સેવન કરી રહ્યાં છે. તો અમદાવાદમાં ભીષણ ગરમીથી બચવાનો લોકો પ્રયાસ કરી રહ્યાં છે. જેમાં બરફના ગોળા, શેરડીનો રસ અને લીબુંનો લોકો સહારો લી રહ્યાં છે.
ઠંડક મેળવવા લોકોએ ઠંડા પર્યટન સ્થળો તરફ દોટ મૂકી
તમને જણાવી દઇએ કે, રાજ્યમાં ગરમીના પ્રમાણમાં વધારો થતાં ઠંડક મેળવવા લોકોએ દમણ તરફ દોટ મૂકી છે જેને કારણે ગત 2 વર્ષથી ઠપ્પ થયેલા દમણ પ્રવાસનને વેગ મળ્યો છે ત્યારે ઉનાળુ વેકેશન શરૂ થતાં અમદાવાદ, વડોદરા, સુરત સહિત દક્ષિણ ગુજરાતમાંથી મોટી સંખ્યામાં પ્રવાસીઓ દમણની મુલાકાતે આવી રહ્યા છે અને ટાઢક મેળવી રહ્યાં છે. તો બીજી તરફ અમદાવાદમાં આગ જરતી ગરમીથી રાહત મેળવવા મનપાના સ્વિમિંગ પુલમાં લોકોનો ઘસારો જોવા મળ્યો છે. જેમાં સામાન્ય સિઝન કરતા 3 ઘણા લોકો સ્વિમિંગ પુલ પહોંચી રહ્યા છે ત્યારે નાના બાળકો માટે અલગ સમર વેકેશન બેચ શરુ કરાઈ.