હવામાન વિભાગેની આગાહી મુજબ આ વર્ષે રાજ્યમાં ગરમી સામાન્ય કરતા વધુ રહેશે. ઉત્તર-પશ્ચિમ, પશ્ચિમ અને મધ્ય ભારતમાં અડધાથી એક ડિગ્રી વધુ રહેશે. આમ લોકોએ વરસાદ બાદ ઠંડીની માણેલી મોજ હવે ગરમી પણ સહન કરવા તૈયાર રહેવું પડશે.
આ વખતે ગરમી સામાન્ય કરતા વધુ રહેવાની આગાહી
ઉત્તર-પશ્ચિમ, પશ્ચિમ અને મધ્ય ભારતમાં અડધાથી એક ડિગ્રી વધુ રહેશે
માર્ચ મહિનાથી મે મહિના દરમિયાન તાપમાન વધુ રહેશે
હવામાન વિભાગની આગાહી મુજબ દેશમાં આ વર્ષે ગરમીનું પ્રમાણ વધારે જોવા મળશે. દક્ષિણ રાજ્યોમાં ગરમીનું સામાન્ય તાપમાન જળવાઇ રહેશે. દક્ષિણ સિવાયના તમામ રાજ્યોમાં સામાન્ય કરતાં વધુ લૂ વર્તાશે. જ્યારે હિમાચલપ્રદેશ, ઉત્તરાખંડ, પશ્ચિમ રાજસ્થાનમાં ગરમી વધુ રહેશે. અરૂણાચલ પ્રદેશમાં સામાન્ય કરતાં એક ડિગ્રી ગરમી વધુ રહેશે.
જ્યારે જમ્મૂ-કશ્મીર, હરિયાણા, ચંદીગઢ, દિલ્હી, પશ્ચિમ ઉત્તર પ્રદેશ, પૂર્વ રાજસ્થાન, ગુજરાત, મધ્ય પ્રદેશ, છત્તીસગઢ, ઓડિસા,સૌરાષ્ટ્ર-કચ્છ, કોંકણ, ગોવા, મરાઠાવાડા, વિદર્ભ, કર્ણાટક, રાયલસીમા અને કેરળમાં તાપમાન 1 ડિગ્રી સુધી વધુ રહેશે. દેશના બાકીના ભાગમાં તાપમાન સામાન્ય રહેશે
ઉત્તરાખંડમાં સરેરાશ લઘુત્તમ તાપમાન 1 ડિગ્રીથી વધુ રહેવાનું અનુમાન છે. 2016માં ભારતીય હવામાન વિભાગે મોનસૂન મિશન કપલ્ડ ફોર કાસ્ટિંગ સિસ્ટમ મોડલના આધારે ગરમી અને શિયાળા દરમિયાન હવામાનની ભવિષ્યવાણી કરવાની શરૂ કરીછે. ચાલુ વર્ષે વિભાગે ક્ષેત્રવાર તાપમાનની ભવિષ્યવાણી કરી છે.
આ અનુમાન 1982થી 2008 દરમિયાનના 27 વર્ષની સ્થિતિ આધારે કરવામાં આવી છે.
આમ ઉનાળાની શરૂઆતને લઇને હવામાન વિભાગે આ વર્ષે આકરી ગરમી સહન કરવાનો વારો આવી શકે છે તેમ જણાવ્યું છે. માર્ચ મહિનાથી લૂ લાગવાના કેસમાં વધારાની શક્યતા છે. જ્યારે મે મહિનામાં ગરમીનો પારો 47 ડિગ્રી સુધી પહોંચે તેવી શક્યતા છે. ગુજરાત, મધ્યપ્રદેશ, છત્તીસગઢ, ઓડિશામાં સૌથી વધુ તાપમાન જોવા મળશે. ગુજરાતની વાત કરીએ તો સૌરાષ્ટ્ર-કચ્છમાં તાપમાન વધુ રહેશે.