ઓડિશાના માછીમારોના જાળમાં 121 તેલિયા ભોલા માછલીઓ પકડાઈ છે. જેની કિંમત કુલ કિંમત 2 કરોડ રૂપિયા હોવાનું સામે આવ્યું છે. જેથી રાતોરાત આ માછીમારો કરોડ પતિ બની ગયા છે.
માછીમારોના જાળમાં ફસાઈ તેલિયા ભોલા માછલી
121 માછલીઓ માછીમારોના જાળમાં ફસાઈ
121 માછલીઓની કુલ કિંમત 2 કરોડ રૂપિયા
ઓડિશામાં આવેલ દીધામાં અમુક માછીમારો રાતોરાત લખપતિ બની ગયા છે. આ માછીમારનો હાથમાં તેલિયા ભોલા માછલીનો જથ્થો આવી ગયો જેના કારણે તેમની કિસ્મત ચમકી ગઈ છે. આપને જાણીને નવાઈ લાગશે કે જે માછલીઓ તે માછીમારોએ પકડી છે. તેની કુલ કિંમત 2કરોડ રૂપિયા થાય છે.
એક માછલીનું વજન 18 કિલો
કુલ 121 માછલીઓ આ માછીમારોએ પકડી છે. જેમા એક માછલીનું વજન અંદાજે 18 કિલોગ્રામ છે. સૌથી મોટી નવાઈની વાત એ છે કે અત્યાર સુધીમાં એક પણ માછીમારના હાથમાં આટલી મોટા પ્રમાણમાં તેલિયા માછલીનો જથ્થો નથી લાગી શક્યો.
ગત વર્ષે 30 માછલીઓ જાળમાં ફસાઈ હતી
ગત વર્ષે પણ અમુક માછીમારોના હાથમાં તેલિયા ભોલા માછલીનો જથ્થો લાગ્યો હતો. જોકે તેની સંખ્યા તે વખતે માત્ર 30 હતી. જેની કિંમત 1 કરોડ રૂપિયા હતા. પરંતુ આ વર્ષે જે માછલીઓનો જથ્થો આ માછીમારોના હાથમાં લાગ્યો છે તેમણે બધા રેકોર્ડ તોડી કાઢ્યા છે. જેથી તે દરેક માછીમાર ઘણા ખુશ છે જેમના હાથમાં આ માછલીઓનો જથ્થો લાગ્યો છે.
એક કિલોના 13 હજાર રૂપિયા
વેપારીઓના કહેવા પ્રમાણે આ માછલીઓની પ્રજાતી ઉંડા સમુદ્રમાં મળતી હોય છે. આ માછલીને પકડવા ઘણી વખત માછીમારો એવા ભાગમાં પણ જતા રહેતા હોય છે જ્યા તેમને જવાની અનુમતી નથી હોતી. કારણકે તેની કિંમત ઘણા મોટા પ્રમાણમાં હોય છે. માછીમારોનું કહેવું છે કે આ માછલીની કિંમત 1 કિલોગ્રામના 13 હજાર રૂપિયા જેટલી હોય છે.
દવાના ઉપયોગમાં વપરાયછે તેલિયા ભોલા માછલી
ઉલ્લેખનીય છે કે આ માછલી આટલી મોંઘી હોવાનું કારણ એ છે કે તેના પેટમાં ઘણા ગુણકારી તત્વો રહેલા હોય છે. આ માછલી ખાસ કરીને ફાર્મા કંપનીઓ પહેલા ખરીદતી હોય છે. કારણકે આ માછલીમાંથી ઘણા પ્રકારની દવાઓ બનતી હોય છે. જેને ઈલાજ માટે વાપરવામાં આવતી હોય છે.