ટેલિવિઝન અને અપ્લાયન્સિસની કિંમતોમાં ટૂંક સમયમાં જ 10% સુધી વધી શકે છે. ડૉલરની સરખામણીએ નબળો પડતો રૂપિયો અને ઇમ્પોર્ટેડ પ્રીમિયમ રેફ્રિજરેટર અને વોશિંગ મશીન પર કસ્ટમ ડ્યૂટી વધારવાના કારણે કંપનીઓ કિંમત વધારતી જઇ રહી છે. કંપનીઓએ ઓક્ટોબરમાં કિંમતો વધારવાનું નક્કી કર્યુ હતુ પરંતુ ફેસ્ટિવ સિઝનમાં ભાવવધારો ટાળવામાં આવ્યો હતો.
ત્રણ ટૉપ બ્રાન્ડ્સ એલજી સેમસંગ અને સોનીએ પોતાની પ્રોડક્ટ્સના સામાન્ય સેલિંગ પ્રાઇસ પર 10% સુધીના ડિસ્કાઉન્ટ માટે ટ્રેડને અપાતી સબસિડી અથવા સેલ્સ સપોર્ટ પાછો ખેંચી લીધો છે. બોશ સીમન્સ હાયર શાઓમી અને બીપીએલ જેવી બ્રાન્ડ્સ પણ ટૂંક સમયમાં જ કિંમતો વધારશે.
ગોદરેજ અપ્લાયન્સિસના બિઝનેસ હેડ અને ઈન્ડસ્ટ્રીના સંગઠન CEAMAના પ્રેસિડન્ટે જણાવ્યુ કે ''કેટલીક બ્રાન્ડ્સે સપ્ટેમ્બરમાં કિંમતો વધારવાનો નિર્ણય કર્યો હતો. જોકે હવે આ નિર્ણયને હવે લાગુ કરવામાં આવશે કારણ કે બ્રાન્ડ્સ ફેસ્ટિવ સિઝન દરમિયાન પોતાની કિંમતમાં કોઇ જ ફેરફાર કરવા ઇચ્છતી નહોતી. તેમણે ઓનલાઈન સેલ્સમાં મોટું ડિસ્કાઉન્ટ મળવાના કારણે ઓફલાઈન રિટેલર્સને કેટલીક મદદ આપવાનો નિર્ણય કર્યો હતો. જ્યારે હવે સરખી કિંમતો રાખવું શક્ય નથી કારણ કે માર્જિન પર મોટી અસર પડી રહી છે.''
હાયર ઇન્ડિયાના પ્રેસિડન્ટે કહ્યુ કે કંપની ફેસ્ટિવ સિઝન દરમિયાન કિંમતોમાં વધારો ટાળ્યા પછી ગત સપ્તાહે 8% જેટલો વધારો કર્યો છે. ઇન્ડસ્ટ્રીના એક્ઝિક્યૂટિવે જણાવ્યુ કે મોટા બ્રાન્ડ્સના સામાન્ય રીતે દિવાળી દરમિયાન સેલ્સ સપોર્ટ લે છે. જોકે કિંમતોમાં વધારાને કવર કરવા માટે ક્યારય પણ આ વર્ષની જેમ 10% સુધીની વધારે રહી નહોતી. મોટાભાગના સપોર્ટ પ્રીમિયમ રેન્જ માટે આપવામાં આવ્યા હતા. જેની પ્રાઇઝ વધારવામાં આવી હતી.