રાહત / ડીટીએચના ગ્રાહકો માટે સારાં સમાચાર, નવા વર્ષમાં TRAIએ બદલ્યો આ નિયમ

• નવા વર્ષમાં TV જોનાર લોકો માટે ખુશીના સમાચાર 
• ચેનલો જોવા માટે ઓછો ખર્ચ કરવો પડશે
• TRAIએ નવો ટેરિફ ઓર્ડર જાહેર કર્યો છે

નવા નિયમ મુજબ હવે ગ્રાહકો નેટવર્ક કેરિઝ ફી તરીકે માત્ર 130 રૂપિયા જ ચૂકવવા પડશે. આમાં ગ્રાહકોને 200 ફ્રી ચેનલ પણ જોવા મળશે. સાથે જ બ્રોડકાસ્ટર 19 રૂપિયાવાળી ચેનલ બુકેમાં નહી આપી શકે.

ગ્રાહકોને 33 ટકાનું ડિસ્કાઉન્ટ મળશે 

ટ્રાઈએ નવો ટેરિફ ઓર્ડર જાહેર કર્યો છે. જેથી હવે નેટવર્ક કેપેસિટી ફી 130 રૂપિયા હશે. 130 રૂપિયામાં 200 ફ્રી ટૂ-એયર ચેનલ મળશે. 160 રૂપિયામાં 500 ફ્રી ટૂ-એયર ચેનલ્સ મળશે. બીજા ટીવી કનેક્શન માટે ચાર્જ ઓછો હશે. બીજા ટીવી માટે 52 રૂપિયા ચાર્જ ચૂકવવો પડશે.બ્રોડકાસ્ટર 19 રૂપિયાવાળી ચેનલ બુકેમાં નહી આપી શકે. 12 રૂપિયાથી ઓછી કિંમતના ચેનલ જ બુકેમાં આપી શકાશે. ગ્રાહકો માટે લગભગ 33 ટકા ડિસ્કાઉન્ટ હશે.

1 માર્ચ 2020થી નવા રેટ લાગુ થશે

બ્રોડકાસ્ટર 15 જાન્યુઆરી સુધી પોતાના ચેનલના રેટમાં ફેરફાર કરશે. 30 જાન્યુઆરી સુધીમાં ફરીથી તમામ ચેનલ્સની રેટ લિસ્ટ પબ્લિશ થશે. 1 માર્ચ 2020થી નવા રેટ લાગુ થશે. ટ્રાઈએ ચેનલ્સ માટે કેરિઝ ફી 4 લાખ રૂપિયા નક્કી કરી છે.