TRAIનાં આદેશ બાદ બધી ટેલીકોમ કંપનીઓએ એક મહિનાની વેલીડીટીવાળા અમુક પ્લાન્સ લોન્ચ કર્યા છે. જાણો આ પ્લાન્સ વિષે.
એક મહિના માટેનાં રીચાર્જ પ્લાન્સને ઉમેરવાનો TRAI નો આદેશ
મોટાભાગની ટેલીકોમ કંપનીઓએ પોતાના પોર્ટફોલિયોમાં ઉમેર્યા આવા પ્લાન્સ
Jio, Airtel, Vi પણ આમાં સામેલ
TRAIનાં આદેશ બાદ બધી ટેલીકોમ કંપનીઓએ એક મહિનાની વેલીડીટીવાળા અમુક પ્લાન્સ લોન્ચ કર્યા છે. Airtel, Jio, Vi અને BSNL બધી ટેલીકોમ કંપનીઓએ ગત અમુક દિવસોમાં આવા પ્લાન્સ પોતાના પોર્ટફોલીયોમાં જોડ્યા છે. આ બધા પ્લાન્સ એક મહિના અને 30 દિવસોની વેલીડીટી સાથે આવે છે. TRAIએ બધી કંપનીઓને ઓછામાં ઓછો એક આવો પ્લાન જોડવાનું કહ્યું હતું.
હવે TRAIએ આ પ્લાન્સની લીસ્ટ જાહેર કરી છે. યુઝર્સની ફરિયાદો બાદ TRAIએ ટેલીકોમ કંપનીઓને એવા રીચાર્જ પ્લાન્સ જાહેર કરવાનો આદેશ કર્યો હતો. આ પહેલા મોટાભાગના પ્લાન્સમાં 28 દિવસોની વેલીડીટી મળતી હતી. જોકે 28 દિવસોની વેલીડીટીવાળા પ્લાન્સ અત્યારે પણ ઉપલબ્ધ છે.
એરટેલનાં બ પ્લાન્સ
એરટેલનાં પોર્ટફોલિયોમાં 128 રૂપિયા અને 131 રૂપિયાનાં બે પ્લાન સામેલ છે. 128 રૂપિયામાં તમને 30 દિવસોની વેલીડીટી મળશે. આમાં લોકલ અને એસટીડી કોલ્સ 2.5 પૈસા પ્રતિ સેકન્ડનાં દરે મળે છે.
નેશનલ વિડીયો કોલ 5 પૈસા પ્રતિ સેકન્ડ, ડેટા 50 પૈસા પ્રતિ MB અને SMSનાં રેટથી મળશે. 131 રૂપિયાનાં પ્લાનમાં તમને આ બધી સુવિધાઓ એક મહિનાની વેલીડીટી સાથે મળશે.
BSNL અને MTLNનાં પ્લાન્સ
BSNLનો 30 દિવસની વેલીડીટી સાથેનો રિચાર્જ પ્લાન 199 રૂપિયામાં આવે છે. MTNL વિશે વાત કરીએ તો, કંપની 151 રૂપિયા અને 97 રૂપિયાના બે પ્લાન ઓફર કરે છે.
JIOનાં પ્લાન્સ
TRAIના આદેશ બાદ Jioએ તેના પોર્ટફોલિયોમાં બે પ્લાન પણ ઉમેર્યા છે. એક મહિનાની વેલિડિટીવાળો Jio પ્લાન 259 રૂપિયામાં આવે છે. આ રિચાર્જ પ્લાનમાં, તમને દરરોજ 1.5GB ડેટા, અનલીમીટેડ કૉલ્સ, દૈનિક 100 SMS અને Jio એપ્સનું સબ્સ્ક્રિપ્શન મળે છે.
Viનાં પ્લાન્સ
30 દિવસની વેલીડીટી સાથે વોડાફોન આઈડિયા (Vi) પ્લાન રૂ 137નો છે. આમાં ગ્રાહકોને 10 લોકલ નાઇટ મિનિટ્સ, 2.5 પૈસા પ્રતિ સેકન્ડના દરે કોલિંગ, 1 રૂપિયા અને 1.5 રૂપિયાના દરે સ્થાનિક અને STD SMS લાભો મળે છે.