સોશિયલ મીડિયામાં અવાર-નવાર એવા લોકો વાયરલ થાય છે, જે પોતાની કલાથી લોકોનુ દિલ જીતી લે છે. દરરોજ નવા-નવા કામો કરનારા લોકો સોશિયલ મીડિયામાં પ્રસિદ્ધ થઇ જાય છે. આવો જ એક દક્ષિણ ભારતીય વણકર સોશિયલ મીડિયામાં હીરો બની ગયો છે.
દક્ષિણ ભારતીય વણકર સોશિયલ મીડિયામાં હીરો બન્યો
નલ્લા વિજયે હાથેથી સુપર ફાઈન સિલ્ક સાડી બનાવી
આ સાડી માચિસની ડબ્બીમાં થઇ જાય છે ફીટ
સુપર ફાઈન સિલ્કની સાડી માચિસની ડબ્બીમાં આવી જાય છે
નલ્લા વિજય જે તેલંગાણાના સિરસિલા શહેરમાં રહેતા વણકરનુ નામ છે. જે આજકાલ ચર્ચાનો વિષય બની ગયો છે. કારણકે નલ્લા વિજયે હાથથી બનાવેલી સુપર ફાઈન સિલ્ક સાડી જે માચિસની ડબ્બીમાં ફીટ થઇ જાય છે. નલ્લા વિજયના આ હૂનરને જોઈને લોકો અચંબિત થઇ ગયા છે. નલ્લાના પિતા નલ્લા પરાંધમુલુ પણ સખત પરિશ્રમ કરવા માટે ઓળખાય છે. તેથી નલ્લા વિજયે વણકરની પારિવારિક પરંપરાને આગળ વધારીને આ સાડી બનાવી. જેને જોઈને લોકો રાજીના રેડ થઇ ગયા છે.
— Minister for IT, Industries, MA & UD, Telangana (@MinisterKTR) January 11, 2022
નલ્લાની કુશળતા
નલ્લાની આ કુશળતાને તેલંગાણાનુ મ્યુનિસિપિલ કોર્પોરેશન અને શહેરી વિકાસ મંત્રી કેટી રામારાવે પોતાના સત્તાવાર ટ્વિટર એકાઉન્ટ પર શેર કર્યો છે. રામારાવે ટ્વિટર પર થોડા ફોટા શેર કરી લોકોને બતાવ્યું છે. હેન્ડલૂમ પર બનાવેલી આ સાડી એટલી બારીક છે કે સાડીને માચિસની ડબ્બીમાં પેક કરી શકાય છે. હાથથી તૈયાર કરવામાં આવેલી આ સાડીને બનાવવામાં 15 દિવસનો સમય જાય છે જ્યારે મશીનથી બનાવવામાં ત્રણ દિવસ થાય છે. હાથથી બનાવવામાં આવેલી સાડીની કિંમત 12 હજાર રૂપિયા છે.
પૂર્વ અમેરિકન રાષ્ટ્રપતિની પત્નીને પણ ગિફ્ટમાં આપી છે સાડી
નલ્લાએ પહેલી વખત આ કુશળતા બતાવી નથી. વર્ષ 2015માં નલ્લા અમેરિકન રાષ્ટ્રપતિ બરાકની પત્ની મિશેલ ઓબામાને આવી હાથથી બનાવેલી સુપર ફાઈન સિલ્કની સાડી ભેટમાં આપી ચૂક્યા છે.