દુર્ઘટના / તેલંગાણા: વિકારાબાદમાં એક ટ્રેનર વિમાન ક્રેશ, 2 પાયલોટના મોત

• ઓળખપત્રથી થઇ વિશાલની ઓળખ 
• રાહત અને બચાવ દળ ઘટના સ્થળે

રવિવારે એક વિમાન દુર્ઘટના થઇ છે. આ ઘટનામાં બે પાયલોટના મોત થયા છે. આ ઘટના તેલંગાણાના વિકારાબાદ જિલ્લાના સુલ્તાનપુરમાં થઇ. જાણવા મળી રહ્યું છે કે આ એક ટ્રેનર વિમાન હતું. ઘટના સ્થળ પર પહોંચી ટીમે રાહત અને બચાવ કાર્ય શરૂ કરી દીધું છે. 

એક પાયલટની ઓળખ પ્રકાશ વિશાલના રૂપમાં થઇ છે. બીજી પાયલોટ મહિલા હતી. એની ઓળખ હજુ થઇ શકી નથી. જાણવા મળી રહ્યું છે કે વિશાલ ટ્રેની પાયલોટ હતો. ટ્રેનર વિમાન વિકરાબાદ જિલ્લાના સુલ્તાનપુર ગામની ઉપરથી નિકળી રહ્યું હતું કે ઘટનાનો શિકાર બન્યું. 

Telangana: Pilot killed in trainer aircraft crash at Sultanpur village in Vikarabad district. pic.twitter.com/b7bNfDmIss

— ANI (@ANI) October 6, 2019

વિમાનનો કાટમાળ થોડાક અંતરોમાં આવેલા ખેતરોમાં પડ્યો હતો. કાટમાળ જે ખેતરોમાં પડ્યો છે, એ ખેતરમાં પાક પણ વાવ્યો હતો. કાટમાળ પડવાનો અવાજ સાંભળીને ગામના લોકો ઘટના સ્થળે દોડી આવ્યા. ઘટનાની જાણકારી તત્કાલ પોલીસને આપવામાં આવી. 

સૂચના મળતા ઘટના સ્થળ પર રાહત અને બચાવ કાર્યની ટીમ પહોંચી ગઇ છે. ઘટનાના કારણોના સંબંધમાં કોઇ જાણકારી મળી શકી નથી. વિશાલની ઓળખ એના ઓળખપત્રથી કરવામાં આવી. જ્યારે બીજી પાયલોટની ઓળખ કરવામાં આવી રહી છે. 

જણાવી દઇએ કે થોડાક દિવસો અગાઉ મધ્યપ્રદેશના ગ્વાલિયરમાં પણ ભારતીય વાયુસેનવાનું મિગ 21 લડાકબ વિમાન દુર્ઘટનાગ્રસ્ત થઇ ગયું હતું. આ ઘટનામાં વિમાનમાં સવાર પાયલોટ બચી ગયા હતા.