દિલ્હી / બળાત્કાર અને હત્યાની ઘટનાઓ પર નિઃશબ્દ થઈ પ્રિયંકા, કહ્યું હવે બોલવાને બદલે કંઈ કરવું પડશે

• હવે બોલવાને બદલે કંઈ કરવું પડશેઃ પ્રિયંકા ગાંધી વાડ્રા
• ટીમ ઈન્ડિયાના કેપ્ટન વિરાટ કોહલીએ પણ કર્યુ ટ્વીટ
• લોકોએ આરોપીને ફાંસીની સજાની કરી માંગ

તેલંગાણામાં પશુચિકિત્સક સાથે સામુહિક બળાત્કાર બાદ જીવંત સળગાવી દેવાની ઘટના બાદ લોકોએ દેશના અનેક ભાગોમાં વિરોધ નોંધાવ્યો હતો. સોશિયલ મીડિયાથી લોકો રસ્તા પર રોષ વ્યક્ત કરી રહ્યા છે. કોંગ્રેસના મહાસચિવ પ્રિયંકા ગાંધી વાડ્રાએ પણ હૈદરાબાદમાં એક યુવતી અને ઉત્તર પ્રદેશના સંભાલમાં એક કિશોરની બળાત્કાર અને હત્યાની પાશવી ઘટનાઓ પર આક્રોશ વ્યક્ત કર્યો હતો.

પ્રિયંકા ગાંધી વાડ્રાએ ટ્વીટ કરીને આ વાત લખી

પ્રિયંકા ગાંધી વાડ્રાએ ટ્વિટ કરીને કહ્યું કે, હૈદરાબાદ અને સંભાલમાં બળાત્કાર અને હત્યાની ઘટનાઓથી હું ખૂબ દુઃખી છું. મારો રોષ વ્યક્ત કરવા માટે કોઈ શબ્દો નથી. એક સમાજ તરીકે આપણે આવી ઘટનાઓને રોકવા માટે બોલવા કરતાં વધુ કરવાનું છે. તેમણે લખ્યું, 'આપણે આપણી માનસિકતા બદલવી પડશે, હિંસા સામે પોતાનો અવાજ ઉઠાવવો પડશે, મહિલાઓ પ્રત્યેની અપમાનજનક ક્રૂરતાને નકારી કાઢવી પડશે.

I have been so deeply disturbed by the savage rape and murder of the young veterinarian in Hyderabad and the teenage girl in Sambhal that no words are enough to express my outrage.

As a society, we have to do far more than just speak up when these horrific incidents take place.

— Priyanka Gandhi Vadra (@priyankagandhi) November 30, 2019

વિરાટ કોહલીએ પણ કર્યુ ટ્વીટ

પ્રિયંકા ગાંધી ઉપરાંત ટીમ ઈન્ડિયાના કેપ્ટન વિરાટ કોહલીએ પણ ગુસ્સો વ્યક્ત કર્યો છે. તેમણે ટ્વિટ કર્યું, 'હૈદરાબાદમાં જે કંઈ પણ થયું તે ખૂબ શરમજનક છે. હવે યોગ્ય સમય છે કે સમાજે આ પ્રકારની પરિસ્થિતિને સંપૂર્ણ રીતે સમાપ્ત કરવા પહેલ કરવી જોઈએ.

What happened in Hyderabad is absolutely shameful.
It's high time we as a society take charge and put an end to these inhumane tragedies.

— Virat Kohli (@imVkohli) November 30, 2019

શું હતો કેસ

તેલંગાણામાં પશુચિકિત્સક મહિલા પર સામુહિક બળાત્કાર કર્યા બાદ તેને જીવતો સળગાવી દેવાના આરોપમાં ધરપકડ કરાયેલા ચાર આરોપીઓને શાદનગરના મેજિસ્ટ્રેટ દ્વારા 14 દિવસ માટે ન્યાયિક કસ્ટડીમાં મોકલવામાં આવ્યા છે. મહેબૂબનગરની ફાસ્ટ ટ્રેક કોર્ટમાં ન્યાયાધીશો હાજર ન હોવાથી અને પોલીસ સ્ટેશનની બહાર તંગદિલી સ્થિતિ હોવાના કારણે આરોપીને રજુ કરી શકાતા ન હોવાને કારણે મંડલ એક્ઝિક્યુટિવ મેજિસ્ટ્રેટે શાદનગર પોલીસ સ્ટેશનમાં આ આદેશ આપ્યો હતો.

લોકોએ આરોપીને ફાંસીની સજાની કરી માંગ

આરોપી મોહમ્મદ આરિફ, ચિંતાકુંતા ચેન્નકેશુલુ, જોલ્લુ શિવા અને જોલુ નવીનને મહબૂબનગર જેલમાં મોકલવામાં આવ્યા હતા. અગાઉ સરકારી હોસ્પિટલના ત્રણ ડોકટરો પણ પોલીસ સ્ટેશન લાવવામાં આવ્યા હતા. પોલીસ સ્ટેશન સામે ગુસ્સે ભરાયેલા લોકોનું ટોળું હતું, જેઓ આરોપીને ફાંસીની સજાની માંગ કરી રહ્યા હતા.