કમનસીબી / લોકડાઉનમાં જે દિકરાને 1400 કિમી સ્કૂટી ચલાવીને લાવી માતા, હવે આ લાડકવાયો યુક્રેનમાં ફસાયો

• યુક્રેન અને રશિયા વચ્ચે ભીષણ યુદ્ધ
• યુક્રેનમાં ફસાયા છે કેટલાય ભારતીયો
• તેલંગણાનો આ યુવક પણ ત્યાં ફસાયો

યુક્રેન અને રશિયા વચ્ચે યુદ્ધનો રવિવારે 11મો દિવસ છે, રશિયાના સૈનિકો યુક્રેનના દરેક શહેર પર કહેર બનીને તૂટી પડ્યા છે. જ્યાંને ત્યાં બોમ્બ બ્લાસ્ટ થઈ રહ્યા છે. ધમાકાના અવાજથી કીવ, ખારકીવ જેવા મોટા શહેર ગૂંજી રહ્યા છે. યુધ્ધની તણાવપૂર્ણ સ્થિતિની વચ્ચે ડરેલા લોક યુક્રેન છોડીને ભાગી રહ્યા છે. કેટલાય ભારતીયો હજૂ પણ યુક્રેનમાં ફસાયેલા છે. જેમને બહાર કાઢવા માટે સરકારે ઓપરેશન ગંગા ચલાવ્યું છે. 

યુક્રેનમાં ફસાયો રઝિયાનો દિકરો

આ જ ક્રમમાં એક ભારતીય યુવક પણ યુક્રેનના સુમી શહેરમાં ફસાયેલો છે. આ યુવકની સાથે એક વિચિત્ર ઘટના ઘટી છે. વર્ષ 2020માં જ્યારે લોકડાઉન લાગ્યું હતું, ત્યારે નિઝામુદ્દીન અમન નામનો આ યુવક આંધ્ર પ્રદેશના તમિલનાડૂની બોર્ડર પર ફસાઈ ગયો હતો. ત્યારે પોતાના દિકરાને લેવા માટે નિઝામુદ્દીનની માતા રઝિયા 1400 કિમી સ્કૂટી ચલાવીને દિકરાને લેવા પહોંચી હતી. જ્યાંથી તે પોતાના દિકરાને લઈને આવી હતી.

લોકડાઉનમાં પણ ફસાયો હતો નિઝામુદ્દીન

તેલંગણાના નિઝામાબાદમાં રહેનારી રઝિયા પોતાના દિકરાને લઈને આંધ્ર પ્રદેશના નેલ્લોર સુધી સ્કૂટી ચલાવીને આવી હતી. તે લગભગ 1400 કિમી સ્કૂટર ચલાવીને આવી હતી. હવે રઝિયાનો દિકરો યુક્રેનમાં ફસાઈ ગયો છે. 

યુક્રેનમાં એબીબીએસનો કરે છે અભ્યાસ

નિઝામુદ્દીન યુક્રેનથી સૂમી સ્ટેટ યુનિવર્સિટીમાં એબીબીએસનો અભ્યાસ કરી રહ્યો છે. સુમી, રશિયા સરહદ પાસે આવેલું છે. યુક્રેન પર રશિયાએ હુમલો કર્યા બાદ રઝિયા રાત દિવસ પોતાના દિકરાની સલામતી માટે દુઆ કરતી રહે છે. રઝિયાએ કહ્યું કે, નિઝામુદ્દીન બંકરમાં બંદ છે અને ફોન પર તેની સાથે વાત થઈ રહી છે. જાણકારી અનુસાર જોઈએ તો, રઝિયા બેગમનો દિકરો જે જગ્યા પર છે. ત્યાં હાલમાં ટ્રાંસપોર્ટ કનેક્ટિવિટી નથી. રઝિયા પોતાના દિકરાને સુરક્ષિત બહાર કાઢવા માટે પ્રધાનમંત્રી મોદી અને મુખ્યમંત્રી કેસીઆર પાસે મદદ માગી રહી છે.

લોકડાઉનમાં દિકરા સાથે 1400 કિમીનું સફર કાપ્યું

બે વર્ષ પહેલા, રઝિયા બેગમ કોરોના લોકડાઉન લાગૂ થયા બાદ પાડોશી આંધ્ર પ્રદેશના નેલ્લોર જિલ્લામાં ફસાયેલા પોતાના દિકરાને પાછા લાવવા માટે એક લાંબી અને કઠિન યાત્રા કરી હતી. સ્થાનિક પોલીસની મંજૂરી સાથે તે એકલા નેલ્લોર ગઈ અને પોતાના દિકરા સાથે પાછી આવી હતી.