કોરોના વાયરસના ખતરાની વચ્ચે ઘરમાં ક્વારન્ટાઇન રહેવાની વાત ન માનવા પર તેલંગાણાની સત્તાધારી પાર્ટીના એક ધારાસભ્યને આસિફાબાદની જિલ્લા કલેક્ટરે નોટિસ ફટકારી છે. ધારાસભ્ય આ સપ્તાહે અમેરિકાથી પરત ફર્યા હતા. જેને પગલે તેઓને ઘરમાં ક્વારન્ટાઇન કરીને રહેવા કહેવામાં આવ્યું હતું.
તેલંગાણાની સત્તાધારી પાર્ટીના એક ધારાસભ્યને આસિફાબાદની જિલ્લા કલેક્ટરે નોટિસ ફટકારી છે
વિદેશથી આવનારને 14 દિવસ માટે ઘરમાં આઇસોલેટ થઇને રહેવાનો આદેશ આપવામાં આવ્યા છે
તેલંગાણા રાષ્ટ્ર સમિતિના ધારાસભ્ય કોનેરુ કોન્નપાને આ દરમિયાન ટ્રેનમાં સફર કરતા, સામાજિર કાર્યક્રમ અને રાજકીય બેઠકમાં ભાગ લેતા જોવામાં આવ્યા. નોંધનીય છે કે વિદેશથી આવનારને 14 દિવસ માટે ઘરમાં આઇસોલેટ થઇને રહેવાનો આદેશ આપવામાં આવ્યા છે.
સિરપુર કઘજનગરના ધારાસભ્ય કોન્નપા અને તેમની પત્ની મંગળવારે અમેરિકાથી પરત ફર્યા હતા. પાછા ફર્યા બાદ તેઓએ એક ઘોષણા પત્રમાં હસ્તાક્ષર કર્યા હતા. જેમા તેઓએ ખુદને ઘરમાં રાખવા કહ્યું હતું. જોકે, બીજા દિવસે જ તેઓે તેલંગાણા એક્સપ્રેસમાં મુસાફરી કરતા જોવા મળ્યા. ટીઆરએસ ધારાસભ્યની તરફથી એવા સમયે યાત્રા કરવામાં આવી રહી છે જ્યારે લોકોને કોરોના વાયરસને ધ્યાનમાં રાખીને બહાર ન નીકળવા સલાહ આપવામાં આવી છે.
અમેરિકાથી પાછા આવ્યા બાદ ક્વારન્ટાઇનમાં રહેવા છતા ટ્રેનમાં મુસાફરી કરવા, સામાજિક કાર્યક્રમોમાં સામેલ થવા અને રાજકીય બેઠક કરવાને લઇને ધારાસભ્યને નોટિસ ફટકારવામાં આવી છે.