ભારતના આ ગામમાં થાય છે ડોનાલ્ડ ટ્રમ્પની પૂજા જાણો કેમ

આપે અત્યાર સુધી હિંદૂ દેવી-દેવતાઓની આરતી થતી જોઇ હશે. પરંતુ કોઇ જીવિત વ્યક્તિ અને તેમાં પણ ખાસ કરીને કોઇ દેશના વડાપ્રધાનના ફોટાની પૂજા આરતી કરતા જોવા મળે તે થોડૂં અલગ લાગે. આવી જ એક ઘટના ભારતમાં બની હતી એક એવો માણસ ભારતના એક રાજ્યમાં જોવા મળ્યો હતો. તે અમેરિકન પ્રમુખ ડોનાલ્ડ ટ્રંપના ફોટાની પૂજા-અર્ચના કરી આરતી ઉતારે છે.

તાજેતરમાં મળેલ જાણકારી અનુસાર ભારતના તેલંગાણા રાજ્યના જનગાવ નામનો એક રહેવાસી રોજ ડોનાલ્ડ ટ્રંપની પૂજા-અર્ચના કરે છે. આ વાત જાણી સૌને નવાઇ લાગે છે. પરંતુ સત્ય છે કે તેલંગાણાનો આ રહેવાસી રોજ અમેરિકન રાષ્ટ્રપ્રમુખના ફોટાની આરતી ઉતારે છે અને પૂજા-અર્ચના કરે છે. તેણે પોતાના ઘરમાં એક મંદિર પણ બનાવેલ છે. તે રોજ અગરબત્તી કરીને ટ્રંપની તસવીરની આરતી ઉતારે છે.



જી હાં તેલંગાણાના જનગાવ નામે નાનકડા ગામનો રહેવાસી કૃષ્ણાનો દાવો છે કે ટ્રંપ તેના માટે એક ભગવાન છે. કૃષ્ણા કહે છે કે હું દરરોજ મારા મૂળ ભગવાનની પૂજા કર્યા બાદ અમેરિકન રાષ્ટ્ર પ્રમુખ ડોનાલ્ટ ટ્રંપની પૂજા કરું છું.

તેલંગાણાના આ રહેવાસીની આ હરકત જોઇ અન્ય લોકો જોઇને ચોંકી જાય છે. ટ્રંપ ભક્ત કૃષ્ણાનું માનવું છે કે આમ કરવાથી ભારતીયોની મહાનતા અને પ્રેમ પ્રગટ થયા છે. બુસા કૃષ્ણાનું માનવું છે કે જ્યારે અમેરિકામાં એક ભારતીય એન્જિનીયરની હત્યા થઇ ત્યારબાદ તેણે ડોનાલ્ટ ટ્રંપના ફોટાની પૂજા કરવાની શરૂઆત કરી હતી અને આજે પણ તે દરરોજ પોતાના ઇષ્ટદેવની પૂજા-અર્ચના કર્યા બાદ તે અમેરિકાના રાષ્ટ્રપ્રમુખ ડોનાલ્ટ ટ્રંપના ફોટાની પૂજા-અર્ચના કરે છે.