અદિલાબાદઃ લોકતંત્રનાં સૌથી મોટાં પર્વ જેવી કહેવાતી ચૂંટણીમાં ભાગીદારી સુનિશ્ચિત કરવા માટે દરેક વખતે કેટલાંક આવાં સામે આવતાં જ હોય છે. જે ના માત્ર આપણને પ્રેરણા આપતા હોય છે પરંતુ સાથે સાથે તેઓની પર આપણને ગર્વ પણ થતો હોય છે. આ વખતની ચૂંટણીમાં પણ એવાં કેટલાંક લોકોએ મતદાનમાં ભાગ લઇને આપણને લોકતંત્રમાં વોટનાં મહત્વને ખૂબ સારી રીતે સમજાવેલ છે. આવાં જ એક મતદાતા તેલંગાણાનાં આદિલાબાદ નિર્વાચન ક્ષેત્રમાં જોવાં મળ્યાં. બંને હાથ ના હોવાં છતાં 25 વર્ષનાં જાકિર પાશાએ પગથી મતદાન કરતા જોવાં મળ્યાં.
તેલંગાણામાં કે જ્યાં ચૂંટણીમાં વોટરોની ઉદાસીનતા સામાન્ય રીતે જોવાં મળતી હોય છે, 25 વર્ષનાં આ જાકિરે એક પ્રેરણાદાયક તસ્વીર રજૂ કરી છે. મતદાન સ્થળ પર પહોંચેલ જાકિર પાશાને જેને પણ મતદાન કરતા જોયાં તેઓ તેની પ્રશંસા કર્યા વિના ન રહ્યાં. એટલું જ નહીં તેઓનો આ ફોટો જ્યારે વાયરલ થયો તો સોશિયલ મીડિયામાં જોતજોતામાં જ જાકિર હીરો બની ગયો. સોશિયલ મીડિયા પર લોકોએ તેનાં જોશને સલામ કરીને તેની બરાબર પ્રશંસા કરી છે.
પાશા જ્યારે મતદાન સ્થળ પર પહોંચ્યાં ત્યારે ત્યાં મતદાનકર્મી પણ તેઓને જોઇને હેરાન થઇ ગયાં. પરંતુ વગર કોઇ જ મદદે જમણાં પગથી પેન પકડીને તમામ ઔપચારિકતા પૂર્ણ કરી. પછી બાદમાં ડાબા પગનાં અંગુઠા પર ચૂંટણી નિશાન લગાવીને તેને જ સહારે ઇવીએમથી વોટ પણ નાખ્યો હતો.
ઉલ્લેખનીય છે કે યૂપીનાં મુઝફ્ફરનગરમાં 85 વર્ષની કિશ્નોદેવીએ એક સપ્તાહથી કંઇ જ ખાધું ન હોતું, તેઓ બીમાર હતાં. ઉઠવા-ચાલવામાં પણ અસમર્થ હોવાંને કારણે તે બેડમાં જ પડી રહેતી હતી. માની લો કે તેઓની જાણે અંતિમ ઘડીઓ જ ગણાઇ રહી હતી પરંતુ તેઓની અંતિમ ઇચ્છા એવી હતી કે તે દુનિયાને અલવિદા કરતા પહેલાં એક વાર વૉટ જરૂર કરે. 11 એપ્રિલનાં રોજ પ્રથમ ચરણની ચૂંટણીમાં જ્યારે તેઓનાં ક્ષેત્રનાં લોકો વોટ કરવા જઇ રહ્યાં હતાં તો તેઓ પણ પોલિંગ બૂથ જવાની જીદ કરવા લાગ્યાં. કોઇ પણ પ્રકારે ત્યાં પહોંચીને વોટ નાખીને મતાધિકારનો પ્રયોગ કર્યો અને એક-બે કલાક બાદ જ તેઓનું મોત નિપજ્યું હતું.