તેલંગાણાના ભાજપ ધારાસભ્ય ટી રાજા સિંહ લોધે કહ્યુ છે કે તેઓએ પાર્ટીને પોતાનું રાજીનામુ સોંપી દિધુ છે અને આરોપ લગાવ્યો કે તે ગૌરક્ષાને લઈ કોઈ સહયોગ નથી આપી રહી.
તેલંગાણા વિધાનસભામાં ગોશમહલ વિધાનસભા વિસ્તારનું પ્રતિનિધિત્વ કરનારા લોઘે સોશિયલ મીડિયા પર પોસ્ટ કરાયેલા એક વીડિયો કહ્યુ કે તેઓએ પોતાનું રાજીનામુ તેલંગાણા ભાજપા અધ્યક્ષ કે. લક્ષ્મણને મોકલી આપ્યુ છે.
તેઓએ કહ્યુ કે 'મારા માટે હિન્દૂ ધર્મ અને ગૌરક્ષા પ્રાથમિકતા છે અને રાજનીતિ પછી આવે છે. ગૌરક્ષા માટે મે ભાજપમાંથી રાજીનામું આપી દીધું છે. હું ઘણીવાર આ મુદ્દો સદનમાં લઈ ગયો પણ પાર્ટીએ મને કોઈ સહયોગ ન આપ્યો.'
તેઓએ કહ્યુ કે 'હું અને ગોરક્ષાની મારી ટીમ રસ્તાઓ પર ઉતરશે અને અમે રાજ્યોમાં ગૌહત્યા પર રોક લગાવશું.'