VIDEO / તેલંગણામાં મોટી દુર્ઘટના ટળી: ભારે વરસાદના કારણે સ્કૂલ બસ પાણીમાં ડૂબી, 30 બાળકોને સુરક્ષિત બહાર કાઢ્યા

• તેલંગણામાં મોટી દુર્ઘટના થતા રહી ગઈ
• શાળાની બસ પાણીમાં ડૂબી ગઈ
• અંડર બ્રિજ પાર કરતા બની ઘટના

તેલંગણાના મહેબૂબનગરમાં આજે 30 વિદ્યાર્થીઓને લઈ જતી એક સ્કૂલ બસ પાણીમાં ડૂબી ગઈ હતી. ઘટનાસ્થળે હાજર લોકોએ વિદ્યાર્થીઓને બચાવી લીધા હતા. બાદમાં બસને પાણીમાંથી બહાર કાઢી હતી. 30 વિદ્યાર્થીઓને લઈ જતી એક સ્કૂલ બસ પુરથી ભરાયેલા અંડરબ્રિજના રસ્તા પર પાણીમાં આંશિક રીતે ડૂબી ગઈ હતી. સ્થાનિક લોકોએ દાવો કર્યો હતો કે, બસ ડ્રાઈવર જ્યારે અંડરબ્રિજમાંથી પસાર થઈ રહ્યો હતો, ત્યારે પાણીનું સ્તર વધી રહ્યું હતું. ડ્રાઈવર અને સ્થાનિક લોકોએ શાળાના બાળકોને સુરક્ષિત બહાર નિકાળ્યા હતા. 

#WATCH | Telangana: A school bus, carrying 30 students, was partially submerged in a flooded street in Mahbubnagar today. The students were rescued by the locals. The bus was later brought out of the spot. pic.twitter.com/7OOUm8as0v

— ANI (@ANI) July 8, 2022

એક રિપોર્ટમાં જણાવ્યા અનુસાર, તેલંગણામાં વરસાદના કારણે નિચાણવાળા વિસ્તારોમાં પાણી ભરાયા હોવાના કારણે શુક્રવારે રેલ્વે અંડર બ્રિજ પાર કરતી વખતે સ્કૂલ બસ અચાનક પાણીમાં ડૂબી ગઈ હતી. બસમાં ફસાયેલા ઓછામાં ઓછા 30 વિદ્યાર્થીઓનો ચમત્કારિક રીતે બચાવ થયો હતો. બસને પાણીમાં ડૂબતી જોઈ સ્થાનિક લોકો દોડ્યા અને એક એક કરીને તમામ બાળકોને લગભગ ગળા સુધી પાણીમાંથી નિકાળ્યા હતા. 

અહીં ઉલ્લેખનીય છે કે, મહેબૂબનગર જિલ્લામાં છેલ્લા બે દિવસમાં ભારે વરસાદના કારણે પાણી ભરાયેલા છે. સમગ્ર રાજ્યમાં ચોમાસુ એક્ટિવ થવાના કારણએ કેટલાય જિલ્લામાં ભારે વરસાદની વિગતો મળી રહી છે. રાજ્યના જે જિલ્લામાં પાણી ભરાયા છે, તેમાં રંગારેડ્ડી, મે઼ડચલ-મલકજગિરી, યાદાદ્રી-ભોંગરી, કામારેડ્ડી, જંગો, રાજન્ના સિરસિલા અને જગતિયાલ સામેલ છે. ભારતીય હવામાન વિભાગ અનુસાર આવનારા દિવસોમાં તેલંગણામાં ભારે વરસાદ થવાની શક્યતાઓ છે. ભારત હવામાન વિભાગના જણાવ્યા અનુસાર બંગાળની ખાડી અને તેની આજૂબાજૂમાં વિસ્તારમાં ચક્રવાતી હવાઓનું એક ક્ષેત્ર બનેલું છે.