રેલવે / ઉન્નાવ પાસે મોટા અકસ્માતનો શિકાર બનતા બચી પ્રાઇવેટ ટ્રેન તેજસ એક્સપ્રેસ, તપાસ શરૂ કરાઇ

• પ્રાઇવેટ ટ્રેન તેજસ એક્સપ્રેસ એક મોટા અકસ્માતનો શિકાર બનતા બચી
• બાઇક રેલવે ટ્રેક એન્જિન સાથે ટકરાયા બાદ ટ્રેનને રોકવી પડી
• રેલવે પોલિસે દુર્ઘટનાગ્રસ્ત બાઇકને કબજે કરીને તપાસ શરૂ કરી

દિલ્હીથી લખનઉ આવી રહેલી તેજસ એક્સપ્રેસ શનિવારે રાત્રે લગભગ 11.30 વાગ્યે ઉન્નાવના ગંગા પુલથી પસાર થઇ રહી હતી. એ સમયે એક બાઇક સવાર યુવક બંધ રેલવે ક્રોસિંગ નીચેથી નીકળવાનો પ્રયાસ કરી રહ્યો હતો. ટ્રેન સામે આવતી જોઇ યુવક બાઇક સાથે ટ્રેક પર પડી ગયો હતો અને બાઇક ને છોડી ભાગી નીકળ્યો હતો. 

આ દરમિયાન ટ્રેન ડ્રાઇવરે બાઇકને જોઇને બ્રેક લગાવી ટ્રેન રોકવાનો પ્રયાસ કર્યો હતો. પરંતુ ત્યાં સુધી ટ્રેન બાઇકથી ટકરાઇ ગઇ હતી. ગેટમેને બાઇકને હટાવી ટ્રેક ક્લિયર કર્યો. ત્યારે જઇને ટ્રેન લખનઉ માટે રવાના થઇ. આ અકસ્માતમાં કોઇ જાનહાનિ થઇ નથી. આ અકસ્માત બાદ રેલવેના અધિકારીઓએ સ્થળ પર મળી આવેલી બાઇકના નંબરના આધારે યુવકની તપાસ શરૂ કરી છે.