એટેક / તેજપ્રતાપ યાદવનાં સુરક્ષાકર્મીઓએ મીડિયાકર્મીને માર્યો માર, VIDEO વાયરલ

લોકસભા ચૂંટણીનાં અંતિમ ચરણ માટે જારી મતદાનની વચ્ચે અનેક જગ્યાએથી હિંસાનાં સમાચારો સામે આવી રહ્યાં છે. બિહારનાં પટનામાં પણ રવિવારનાં રોજ હિંસા થઇ. બિહાર સરકારમાં મંત્રી રહ્યાં અને લાલુ પ્રસાદ યાદવનાં પુત્ર તેજ પ્રતાપ યાદવનાં સુરક્ષાકર્મીઓએ મીડિયાકર્મીઓ સાથે મારપીટ કરી છે. તેજપ્રતાપની ગાડીની નીચે એક મીડિયા કેમેરામેનનો પગ આવી ગયો હતો, જ્યાર બાદ જ્યારે વિરોધ કર્યો તો સુરક્ષાકર્મીઓએ જ તેની પર હુમલો કરી દીધો.

#WATCH Tej Pratap Yadav's personal security guards in Patna beat a camera person after he allegedly broke the windscreen of Yadav's car. Tej Pratap Yadav was leaving after casting his vote. Yadav has filed an FIR in the incident. #Bihar pic.twitter.com/u1KzKDCGBG

— ANI (@ANI) May 19, 2019

જો કે, આ મામલા બાદ તેજ પ્રતાપ યાદવે ઉલ્ટો મોટો આરોપ લગાવી દીધો અને કહ્યું કે, તેને તેઓને જાનથી મારી નાખવાની કોશિશ કરી. આને લઇને તેઓએ અધિકારિક ફરિયાદ પણ દાખલ કરાવી દીધી છે. રવિવારનાં રોજ તેજ પ્રતાપ યાદવ ઘરથી બહાર નીકળ્યાં તો તેઓની ગાડીની નીચે કેમેરામેનનો પગ આવી ગયો. કેમેરામેનનો પગ ગાડીની નીચે આવ્યો તો તેને પોતાનો કેમેરો ગાડીનાં કાચ પર માર્યો. જો કે બાદમાં સુરક્ષાકર્મીઓએ મીડિયાકર્મીઓ સાથે મારપીટ કરી છે.

आज मतदान करने के बाद जब मतदान केंद्र से बाहर आ रहा था उस वक्त मेरे ऊपर जानलेवा हमला किया गया जिसमें मेरी गाड़ी क्षतिग्रस्त हो गई और हमारे ड्राइवर और सुरक्षाकर्मियों को गंभीर चोटें आई हैं। pic.twitter.com/7radaJKMwm

— Tej Pratap Yadav (@TejYadav14) May 19, 2019

આ મુદ્દા બાદ તેજપ્રતાપ યાદવે ટ્વિટ કરીને લખ્યું કે, 'આજે મતદાન કર્યા બાદ જ્યારે મતદાન કેન્દ્રથી બહાર આવી રહ્યાં હતાં તે સમયે મારી ઉપર જોખમકારક હુમલો કરવામાં આવ્યો કે જેમાં મારી ગાડી ક્ષતિગ્રસ્ત થઇ ગઇ અને અમારા ડ્રાઇવર અને સુરક્ષાકર્મીઓને ગંભીર ઇજાઓ પહોંચી છે. તેજ પ્રતાપ યાદવ તરફથી પણ આ હુમલા પર પોલીસમાં ફરિયાદ પણ દાખલ કરવામાં આવી છે.