દિલ્હીમાં RJDની બેઠકમાં મોટી બબાલ સામે આવી હતી. લાલુના મોટા પુત્ર તેજ પ્રતાપ યાદવ પાર્ટીની બેઠક છોડીને અધવચ્ચે બહાર નીકળી ગયા હતા.
દિલ્હીમાં RJDની બેઠકમાં બબાલ
તેજ પ્રતાપ પાર્ટીની બેઠક છોડીને બહાર નીકળી ગયા
પાર્ટી મહાસચિવ શ્યામ રજક પર લગાવ્યો મોટો આરોપ
કહ્યું- મા-બેન સમાન ગાળો દીધી
શ્યામ રજકનો જવાબ- દલિત છું એટલે ટાર્ગેટ કરાય છે
દિલ્હીમાં રાષ્ટ્રીય જનતા દળની કાર્યકારિણીની બેઠકમાં એક મોટી બબાલ જોવા મળી હતી. લાલુના મોટા પુત્ર અને બિહારના વન અને પર્યાવરણ મંત્રી તેજ પ્રતાપ યાદવ પાર્ટીની બેઠક અધવચ્ચે છોડીને બહાર નીકળી ગયા હતા. બહાર આવીને તેમણે મીડિયાને સંબોધિત કર્યાં હતા. તેજ પ્રતાપે એવો આરોપ લગાવ્યો કે પાર્ટી નેતા શ્યામ રજકે તેમને માતા અને બહેન સમાન ગાળો દીધી. તેમની ગાળો ખાવા કોણ ઊભું રહે. તેજ પ્રતાપે તો આ દરમિયાન શ્યામ રજકને આરએસએસના એજન્ટ પણ ગણાવી દીધા હતા.
Delhi | Shyam Rajak (RJD national gen secy) abused me, my personal assistant&my sister today when I asked him about the meeting schedule. I've audio recording & I'll put it on my social media.Such BJP-RSS people should be thrown out of org: RJD leader & Bihar min Tej Pratap Yadav pic.twitter.com/EIVN0Zt9fP
મારી પાસે ઓડિયો છે વાયરલ કરી દઈશ- તેજ પ્રતાપ
વાસ્તવમાં આરજેડીની રાષ્ટ્રીય કાર્યકારિણીની બેઠક નવી દિલ્હીમાં મળી હતી. આ બેઠકમાં લાલુ યાદવના મોટા પુત્ર તેજપ્રતાપ યાદવ પણ હાજર રહ્યા હતા. પરંતુ થોડીવાર બાદ તેજપ્રતાપ યાદવ સભા છોડીને બહાર આવી ગયા હતા. તે ગુસ્સાથી લાલઘૂમ થઈ ગયો હતો. આ દરમિયાન તેમણે પોતાની જ પાર્ટીના નેતા શ્યામ રજક પર મોટો આરોપ લગાવ્યો હતો. તેજ પ્રતાપે કહ્યું કે શ્યામ રજકે મને બહેન તરીકે ગાળો આપી છે. મારી પાસે તેનો ઓડિયો છે. હું આ ઓડિયોને મારા સોશિયલ મીડિયા પેજ પરથી શેર કરીશ. તેજ પ્રતાપનું કહેવું છે કે મેં જ્યારે શ્યામ રજકને બેઠકના ટાઈમિંગ અંગે પૂછ્યું ત્યારે તેમણે મને ગાળો દીધી હતી.
સોશિયલ મીડિયા પર વાયરલ થયો ઓડિયો
આ ઘટનાનો એક ઓડિયો સોશિયલ મીડિયા પર વાયરલ થયો છે જેમાં ગાળાગાળી સાંભળી શકાય છે. આ ઓડિયો શ્યામ રજકનો હોવાનું કહેવાય છે જોકે તેની કોઈ પુષ્ટિ થઈ નથી. ઓડિયોમાં એવું કહેવાયું કે મંત્રી બની ગયા તો પીએ સાથે વાત કરાવે છે. આ દરમિયાન ગાળાગાળી અને અયોગ્ય ભાષાનો ઉપયોગ કરાયો હતો.
Delhi | I've no comments to make on it. He is saying what he wants to say because he is powerful, I am a Dalit man, cannot say anything: Shyam Rajak, RJD national gen secy pic.twitter.com/mHASPSiEse
શ્યામ રજકનો આવ્યો જવાબ
આરજેડીના મહાસચિવ શ્યામ રજકે એવું કહ્યું કે મારે આ અંગે કોઈ કોમેન્ટ કરવી નથી. તેજ પ્રતાપને જે કહેવું હોય તે કહે કારણ કે તે શક્તિશાળી છે જ્યારે હું દલિત છું, આનાથી વધારે કંઈ ન કહી શકું.