દેશમાં ગત 20 દિવસોથી ચાલી રહેલા લોકડાઉનના કારણે દરેક વ્યક્તિ ઘરમાં બંધ છે. કોઈને બહાર જવાની પરવાનગી મળતી નથી. ત્યારે બહારની કોઈ વ્યક્તિને અંદર આવવા દેવામાં આવતા નથી. આ સ્થિતિમાં લોકો એવા એવા આઈડિયા અજમાવી રહ્યા છે કે જાણીને તમે માથું ખંજવાળશો.
મિત્રને સૂટકેસમાં ભરીને લઈ આવ્યો
મોરબીમાં મિત્રને ડ્રોનથી પાન મોકલ્યુ
મોરબીની ઘટનામાં બન્ને યુવકની ધરપકડ
લોકડાઉનમાં મિત્રને એપાર્ટમેન્ટમાં આવવા ન દેતા યુવક તેને સૂટકેસમાં ભરીને લઈ આવ્યો. તો ગુજરાતનાં મોરબીમાં પાન ગલ્લો ચલાવતા વ્યક્તિએ મિત્રને ડ્રોનની મદદથી તમ્બાકુ વાળુ પાન મોકલ્યુ. બન્ને યુવકની ધરપકડ કરી લેવામાં આવી છે.
એક યુવક તેના મિત્રને સૂટકેસમાં લઈ આવ્યો
મેંગલુરુમાં મિત્ર માટે જીવ દેનારા એક યુવકે એવું કર્યુ કે જાણીને તમારા રુંવાટા ઉભા થઈ જશે. મેંગલુરુના એક એપાર્ટમેન્ટમાં બહારના કોઈને અંદર આવવાની પરવાનગી નહોતી. જેથી 17 વર્ષીય યુવકે મિત્રને ઘરે લાવવા માટે અનેક વાર આરડબ્લ્યુએ સાથે વાત કરી હતી. જો કે તેઓએ વાત ન માનતા તે મિત્રને સૂટકેસમાં ભરીને લઈ આવ્યો હતો.
પોલીસે વોર્નિગ આપીને છોડી દીધો
બિલ્ડિંગના એક ગાર્ડે જણાવ્યું કે 17 વર્ષનો વિદ્યાર્થી શનિવારે રાતે 2 વાગે એક મોટી સૂટકેસ લઈને નીકળ્યો હતો. એ બાદ તેણે પોતાના મિત્રને બોલાવી તેને સૂટકેસમાં બેસવા કહ્યું હતું. એ બાદ તે સૂટકેસ લઈને પાછો એપાર્ટમેન્ટમાં આવ્યો હતો. જ્યારે તે સૂટકેસ ખસેડીને લઈ જઈ રહ્યો હતો. ત્યારે એક ગાર્ડને શંકા જતા તેમણે તેની જાણકારી ડબ્લ્યુએના સભ્યોને આપી હતી. ઘટના સ્થળે પહોંચેલા ડબ્લ્યૂએ અને પોલીસે તેને વોર્નિગ આપીને છોડ્યો હતો.
દોસ્તને ડ્રોનથી પાન મોકલ્યુ
આ રીતે ગુજરાતના મોરબીમાં લોકડાઉન દરમિયાન તમ્બાકુ પર લાગેલા પ્રતિબંધનથી એક યુવક પરેશાન થઈ ગયો હતો. ત્યારે પાન મસાલા વેચતા તેના મિત્રએ અદભૂત આઈડિયા અજમાવ્યો હતો. મોરબીમાં પાનનો ગલ્લો ચલાવતા એક યુવકે તમ્બાકુ વગર હેરાન થતા મિત્રને તમ્બાકુવાળુ પાન ડ્રોનની મદદથી મોકલ્યુ. તેમજ તેણે આનો વીડિયો બનાવ્યો અને સોશિયલ મીડિયા પર વાયરસ થયો હતો. આ બાદ આ બન્ને યુવકોને પકડી પાડ્યા હતા.