ભયાનકતા / 15 વર્ષીય અમદાવાદી કિશોરીએ ઇન્ટરનેટ પર એવું તો શું જોયું કે માતાનાં સ્પર્શથી પણ ડરવા લાગી

• નેટસર્ફિગ દરમિયાન કિશોરીએ ભૂલથી એડલ્ટ ફોટોગ્રાફ્ટ જોઇ લીધા
• ફોટોગ્રાફ્સ જોયાં બાદ કોઇ તેને સ્પર્શ કરે તો તે હચમચી જતી હતી
• દીકરીની મનોસ્થિતિ જોઇ માતાએ મહિલા હેલ્પલાઇનની મદદ માંગી

કિશોરીએ માતાને કહ્યું હું સારી દીકરી નથી

બોડકદેવમાં રહેતાં સરકારી કર્મચારી સવિતાબહેને ધો- 10માં ભણતી દિકરી રાધિકા છેલ્લા ચાર દિવસથી એબનોર્મલ બિહેવ કરી રહી હતી. રાધિકા સતત કહ્યાં કરતી કે  મમ્મી હું બહું ખરાબ દીકરી છું તારી. મારે આ નહોતું જોવું જોઇતું.  દિકરીની આ સ્થિતીને સમજવા તેઓ મનોવૈજ્ઞાનિક પાસે લઇ ગયાં હતાં. જોકે મનૌવૈજ્ઞાનિકે તેનું કાઉન્સેલિંગ કરવાની જગ્યાએ ઉંઘની ગોળીઓ આપી હોવાથી તેમને સંતોષ ન થતાં તેઓ પાછા આવ્યાં હતાં.

નેટ સર્ફિગ દરમિયાન એવું તો શું જોયું 

દીકરીની મનોસ્થિતિ જોઇ માતા સવિતાએ મહિલા હેલ્પલાઇનની મદદ માંગી હતી. મહિલા હેલ્પલાઇન 181ના કાઉન્સિલર સોનલ મયાત્રા તેમની મદદે પહોંચ્યાં. કાઉન્સેલીંગ દરમિયાન તેમને જાણવાં મળ્યું કે તેને વાંચનનો ખૂબ શોખ છે. તેનું  બધું જ વાંચન નેટ પર જ હોય છે. જેનાં કારણે તે ખૂબ નેટ સર્ફિંગ કરે છે. થોડાક દિવસ પહેલાં નેટ સર્ફિંગ દરમિયાન એડલ્ટ ફોટોગ્રાફ્સ તેની નજરે પડ્યાં હતાં. જેનાં કારણે તે હચમચી ગઇ હતીં. આ કારણે તે ગિલ્ટી ફીલ કરી રહી હતી.

કોઇ સ્પર્શ કરે કે ફિલ્મમાં કોઇને કિસ કરતા જોઇ હચમચી જતી હતી

તેની મનોસ્થિત પર એવી અસર પડી કે છેલ્લાં 4 દિવસથી તે કોઇ ફિલ્મમાં કિસિંગ સીન જોવે, કોઇને હગ કરતાં જોવે કે પછી તેનો કોઇ સ્પર્શ કરે તો તે હચમચી જતી હતીં. તે સતત માતાને કહ્યાં કરતી કે મારે આ નહોતું જોવું જોઈતું. હું નાની છું આ બધું ખરાબ છે. આ મારી ઉંમર નથી. આ સાંભળીને સોનલબહેને તેનું કાઉન્સેલિંગ કર્યું હતું. તેમજ માતાએ એક અઠવાડિયાની રજા લઇને તેને ફરવા લઇ જવાનો પ્લાન બનાવ્યો છે. તેમજ માતાએ પણ દિકરીને સમજાવી હતી કે તે કંઇ ખોટું નથી કર્યું. ભુલથી જોવાઇ ગયું તો તેને નોલેજની જેમ લે. અંતે કિશોરીનું મન શાંત થયું હતું.
(પાત્રોનાં નામ બદલેલ છે.)

સ્ટોરી : ધર્મિષ્ઠા પટેલ, અમદાવાદ