મોત / કાળ બન્યો શિક્ષક, હોમવર્ક ન્હોતું કર્યું તો એટલો માર્યો કે બાળકે જીવ ગુમાવ્યો, વાલીઓમાં ચકચાર

• ચુરૂમાં હૃદય કંપાવી નાખે તેવો મામલો સામે આવ્યો
• બાળકે હોમવર્ક કર્યુ નહોતુ તો શિક્ષકને આવ્યો ગુસ્સો
• શિક્ષકે બાળકને ઢોર માર મારતા વિદ્યાર્થીનું થયુ મોત 

શિક્ષકે બાળકને ઢોર માર માર્યો

સાલાસર પોલીસના એસએચઓ સંદીપ બિશ્નોઈના જણાવ્યાં મુજબ, કોલાસર નિવાસી ઓમપ્રકાશે ફરિયાદ નોંધાવી છે કે તેમનો પુત્ર ગણેશ કોલાસરની ખાનગી શાળા મોર્ડન પબ્લિક સ્કૂલના સાતમા ધોરણનો વિદ્યાર્થી હતો. જે બે ત્રણ મહિનાથી સ્કૂલ જતો હતો. ગણેશે પોતાના પિતાને છેલ્લાં 15 દિવસમાં ત્રણ-ચાર વખત ફરિયાદ કરી હતી કે તેના શિક્ષક મનોજ કારણ વગર તેમને મારે છે. બુધવારે પણ ગણેશ સ્કૂલ ગયો હતો. સવારે લગભગ સવા નવ વાગ્યે ગણેશના પિતા ઓમપ્રકાશને શાળાના આરોપી શિક્ષક મનોજનો ફોન આવ્યો કે ગણેશ હોમવર્ક કરીને આવ્યો નથી. તેથી તેને મારવામાં આવ્યો છે. જેનાથી બાળક બેહોશ થઇ ગયો.

પિતાએ શિક્ષકને પૂછ્યુ કે તેનો બાળક બેહોશ થઇ ગયો છે ?

ખેતરમાં કામ કરી રહેલા પિતાએ આરોપી શિક્ષકને પૂછ્યુ કે તે બેહોશ થઇ ગયો છે કે પછી મરી ગયો છે ? જેના પર આરોપી શિક્ષકે કહ્યું કે તે મરવાનું નાટક કરી રહ્યો છે. થોડા સમય બાદ ઓમપ્રકાશ શાળાએ ગયા ત્યાં તેની પત્ની પહેલાં જ હાજર હતી. શાળાના બાકી બાળકો હતપ્રભ થઇ ગયા હતા. 

શિક્ષક વિદ્યાર્થીને ખૂબ મારઝૂ઼ડ કરતા હતા: બાળકો 

બાળકોએ જણાવ્યું કે આરોપી શિક્ષકે ગણેશની સાથે ખૂબ જ અમાનવીય વર્તન કરી પગથી મારઝૂડ કરીને માર માર્યો છે. જેના કારણે ગણેશ લોહીલૂહાણ થયો હતો. પરિવારજનો પહોંચ્યા બાદ ઘાયલ ગણેશને સાલાસરની ખાનગી હોસ્પિટલમાં લઇ જવામાં આવ્યાં. જ્યાં તબીબોએ વિદ્યાર્થીને મૃત જાહેર કર્યો.