સોશ્યલ મીડિયા પર એવી તસવીરો અને વીડિયો વાયરલ થઈ રહ્યાં જેમાં લોકો જાનવરોની મદદ કરતા નજરે પડી રહ્યાં છે અને તેમને આગથી બચાવી રહ્યાં છે. આ રીતે જ એક વીડિયો જેમાં કોઆલાથી ભરેલી કારનો વીડિયો વાઇરલ થઈ રહ્યો છે. જે ઘણો વાયરલ થઈ રહ્યો છે અને લોકો પસંદ કરી રહ્યાં છે.
કોઆલાથી ભરેલી કારનો વીડિયો વાઇરલ
ઑસ્ટ્રેલિયાના જંગલોમાં ભીષણ આગથી અત્યાર સુધી 25000થી વધુ કોઆલાના મોત
આ વીડિયોને અત્યાર સુધી 21 હજારથી વધારે લોકોએ યુટ્યુબ પર જોયો
કોઆલા જીવ-જંતુની કેટેગરીમાં આવે જે મોટાભાગે ઓસ્ટ્રેલિયામાં જ જોવા મળે છે. વૃક્ષ પર રહેતા કોઆલા શાકાહારી હોય છે. વીડિયોમાં જોઈ શકાય છે કે, કોઆલા કારમાં કેવા આરામથી બેઠેલા છે ! આ વીડિયોને અત્યાર સુધી 21 હજારથી વધારે લોકોએ યુટ્યુબ પર જોયો છે.
અમે અમારી જોડે જ રાખીશું
ઓસ્ટ્રેલિયાના રહેવાસી 19 વર્ષીય માઈક અને 18 વર્ષીય કેલેબ શનિવારે જંગલની આગમાં વલખા મારી રહેલા કોઆલાને કારમાં ભરીને ઘરે લઈ આવ્યા હતા. કાંગારું આઈલેન્ડ પરથી તેમને બચાવ્યા હતા. માઈક અને કેલેબ તેમની કારમાં 20થી વધારે કોઆલાને રેસ્કયૂ કર્યા. તેમણે કહ્યું કે, જંગલની આગ અત્યાર સુધી ઘણા કોઆલાનો જીવ તો લઈ જ લીધો છે. જ્યાં સુધી પરિસ્થિતિ નોર્મલ ન થઈ જાય ત્યાં સુધી અમે રેસ્કયૂ કરેલા કોઆલાને અમારી જોડે જ રાખીશું અને ત્યારબાદ તેમને જંગલમાં છોડી દઈશું.
ઓસ્ટ્રેલિયામાં વિકારળ આગ
ઑસ્ટ્રેલિયા (Australia Bushfire)ના જંગલોમાં લાગેલી ભીષણ આગને કારણે અત્યાર સુધી 25000થી વધુ કોઆલાની મોત થઈ છે. જ્યારે જાણવા મળી રહ્યું છે અત્યાર સુધી આશરે 50 કરોડ જેટલાં જાનવરોનો ભોગ લેવાયો છે આ આગમાં. ઉપરાંત જંગલમાં પાણી બચાવવા માટે 10000થી વધુ ઊંટોને પણ મોતને ઘાટ ઉતારવામાં આવશે. કારણ કે આ ઊંટ પાણીનો ઉપયોગ સૌથી વધુ કરતા હોય છે.
લોકો કરી રહ્યાં છે પ્રાર્થના
ઑસ્ટ્રેલિયામાં લાગેલી આગમાં સતત સળગી રહેલા જાનવરોને જોઈને લોકો ઘણાં દુઃખી છે અને સતત તેમની માટે પ્રાર્થના કરી રહ્યાં છે. કેટલાંક લોકો ડોનેશન આપી રહ્યાં છે. કાંગારુ આઈલેન્ડ વન્યજીવ પાર્કના સહ-માલિકે જણાવ્યું કે દ્વીપના અડધાથી વધારે કોઆલા આગમાં હોમાઈ ગયા છે.