ટેક્નોલોજી / ટેક્નોલોજીએ બચાવી જિંદગી, લોહીમાં લથપથ પડી હતી મહિલા, થોડી જ વારમાં તો એમ્બ્યુલન્સ આવી અને જીવ બચી ગયો

• એરપોડ્સે બચાવ્યો યુવતીનો જીવ
• ટેક્નોલોજીના ઉપયોગથી બચ્યો જીવ
• ન્યૂજર્સીમાં બની આ ઘટના

આજના હાઇટેક યુગમાં દુનિયા માત્ર એક ક્લિક દૂર છે. એવી ઘણી પ્રોડક્ટ માર્કેટમાં આવી છે જેનાથી લોકોના જીવનધોરણમાં સુધારો થયો છે.  ત્યારે વાત કરીએ એક એવી ઘટનાની, જેમાં એક ટેક્નોલોજીને કારણે મહિલાનો જીવ બચ્યો. આ પ્રોડક્ટ બીજી કોઇ નહી પરંતુ એરપોડ્સ છે. ન્યુ જર્સીની આ ઘટના છે જ્યાં એક મહિલાઓ એરપોડ્સના ઉપયોગથી પોતાના માટે એમ્બ્યુલન્સ બોલાવી શકી અને પોતાનો જીવ બચાવ્યો.

ટેક્નોલોજીએ બચાવી જિંદગી

એક રિપોર્ટ અનુસાર ન્યુજર્સીની એક ફ્લોરિસ્ટ સુસાન પુટમૈન દુકાનમાં એકલી હતી તે સમયે પોલ પરથી પડી જતા માથાના ભાગે ઇજાઓ થઇ હતી. લોહીથી લથબથ હતી. આવા સમયે તેની મદદ કરી શકે તેવુ કોઇ ન હતું.  પરંતુ તેના કાનમાં એરપોડ્સ ભરાયેલા હતા. તેણે એરપોડ્સમાં સિરી,  911 પર કોલ કરવા કહ્યુ. થોડી વારમાં જ પોલીસ અને એમ્બ્યુલન્સ પહોંચી. 

સિરીએ તરત જ પોલીસને ફોન કર્યો

એક રિપોર્ટમાં જણાવ્યા આધારે સુસાન પુટમૈને જણાવ્યુ કે, "જ્યારે મેં માથું પકડ્યું ત્યારે મને ખબર પડી કે લોહી વહી રહ્યુ છે. પછી મે કાનમાં એરપોડ્સ ભરાવ્યા હોવાનો ખ્યાલ આવ્યો, હું ગભરાઈ ગઇ, આસપાસ કોઇ હતુ પણ નહી,  મેં તરત જ ચીસ પાડી, 'હે સિરી, 911 પર કૉલ કરો.'" સિરીએ ઝડપથી 911 ડાયલ કર્યું અને પોલીસ અને પેરામેડિક્સ થોડી જ વારમાં પહોંચી ગયા.

એરપોડ્સ પર સિરીને કેવી રીતે સક્રિય કરવી

 તો હવે તમે જાણી જ ગયા હશો કે એરપોડ માત્ર સંગીત સાંભળવા જ નહી પરંતુ અન્ય રીતે પણ ઉપયોગી નીવડે છે. જો આ સુવિધા તમારા આઇફોનમાં ઉપલબ્ધ હશે તો એરપોડમાં પણ સુવિધા હશે જ. એરપોડ્સ પર હે સિરી ઓન કરવા માટે સેટિંગ્સમાં સિરી ઔર સર્ચ પર જઇને વિકલ્પ ઓપન થશે તેમાં લિસન ફોર હે સિરીને સિલેક્ટ કરો. આ સુવિધા એરપોડ્સ પ્રો અને એરપોડ્ 3 પર ફોર્સ સેન્સરને દબાવીને પણ કરી શકો છો.